杜如風捨棄咗型男（中）林德信，同張繼聰互講情深對白！

「旅遊達人」杜如風除咗之前播出嘅旅遊節目叫好叫坐之外，同男神林德信（Alex）拍嘅廣告《佢同佢落區》更成為網民熱話！喺第一、二輯廣告中佢哋 sweet爆互餵食嘢，仲大玩「心形式」瑜伽，令到不少女粉絲都葡萄杜如風！而近日第三輯嘅預告片終於面世，但係男主角再唔咪林德信，不少網民都好唔捨 得，留言要求「信風」戀再續未了緣！

一向鍾意集男神郵嘅杜如風，新一輯廣告請嚟有婦之夫張繼聰做男主角！雖然張繼聰已經畀歌手謝安琪私有化，不過個個都話好期待佢哋嘅廣告出街，更希望佢哋「風繼」續吹，唔好畀佢停咁話！

杜 如風一向視梁朝偉為心中唯一男神，新廣告加入咗梁朝偉主演嘅《阿飛正傳》同《花樣年華》兩套戲嘅元素，同張繼聰鬥戲鬥到去「康城」，不過大家唔好諗到咁 遠，佢哋只係鬥到去將軍澳日出康城啫！廣告中杜如風先聲奪人，一嚟就搔首弄姿，做出梁朝偉喺《阿飛正傳》中梳頭嘅經典場面，仲講埋《花樣年華》梁朝偉講嘅 「如果有多一張船飛，你會唔會跟我走？」佢大騷另類女神嘅風騷韻味，造形相當復古，似足民初時期嘅馬姐。

網民都好Buy咁話：「風風個造 形好似返咗民初時期，紮埋條辮仔好kawaii。」而張繼聰都唔輸蝕，雙手整心心手勢，成個少男咁講出《阿飛正傳》經典對白：「我想同你做一分鐘嘅朋 友！」網民力撐佢：「佢扮乸型扮到咁神似，呢啲咪叫演技囉。」不過都有男網民笑言：「張繼聰真係好乸型，佢好似好鍾意拍乸型角色，如果佢唔咪結咗婚生埋 仔，一定好多人覺得佢係『基基』。」

成段片杜如風和張繼聰都交足戲，特別係情深對望一幕，網民都話佢哋似足一對熱戀中嘅戀人呀！去到尾佢哋仲互笠高帽，唔知佢哋會點鬥戲呢？

網民有話兒：

Toxx Lx：杜小姐冇得頂，辦（瓣）辦（瓣）店。

Wx Kx：頭兩集都好正，仲有得正啲⋯⋯

文xx ：我真係幾鍾意佢嘅

Exxo Dxxh：張繼聰真係好乸型，佢好似好鍾意拍乸型角色，如果佢唔咪結咗婚生埋仔，一定好多人覺得佢係『基基』，都唔知佢係唔咪扮基先溝到謝安琪。

Exxc wxxg ：今次不是林德信…為甚麼不找他，好想見到林德信。

杜如風紮起條辮仔扮朝偉梳頭，大講：「「如果有多一張船飛，你會唔會跟我走？」

好有民初女子嘅韻味！

而張繼聰成個少男咁話：「我想同你做一分鐘嘅朋友！」

究竟佢哋去邊呢？

點解又Chok出一個咁抑鬱嘅眼神？

轉個頭就喺度打情罵俏！

有網民笑言點解張繼聰扮乸型可以咁似？

唔知佢哋會擦出咩火花呢？

轉載請註明來源：今天頭條