有唔少演員默默耕耘多年，事業可能一直平平，不過就係為等一個令佢哋爆出的角色！無綫新劇《城寨英雄》播出以來有口皆碑，但最令人關注的竟然唔係主角如陳展鵬、胡定欣等，而係一班出色的配角！例如綠葉演員魏惠文飾演的爛賭發、林穎彤飾演的鑫鑫，另外由李嘉飾演的惡霸夏滿亦非常突出！李嘉在劇中無惡不作，多次欺凌城寨眾人，睇到觀眾咬牙切齒！正因為演出亮眼，李嘉呢個名字開始廣為觀眾認識，呢日佢在FB重提當日拍攝吞生雞蛋一幕，電視上睇效果固然好，但原來佢拍完即刻嘔到七彩！

重提《城寨》隊生蛋 李嘉︰黃膽水都劏埋

有唔少演員默默耕耘多年，事業可能一直平平，不過就係為等一個令佢哋爆出的角色！無綫新劇《城寨英雄》播出以來有口皆碑，但最令人關注的竟然唔係主角如陳展鵬、胡定欣等，而係一班出色的配角！例如綠葉演員魏惠文飾演的爛賭發、林穎彤飾演的鑫鑫，另外由李嘉飾演的惡霸夏滿亦非常突出！李嘉在劇中無惡不作，多次欺凌城寨眾人，睇到觀眾咬牙切齒！正因為演出亮眼，李嘉呢個名字開始廣為觀眾認識，呢日佢在FB重提當日拍攝吞生雞蛋一幕，電視上睇效果固然好，但原來佢拍完即刻嘔到七彩！

惡霸夏滿於城寨臭名遠播，經常在城寨內蝦蝦霸霸，去理髮舖時指定要鑫鑫(林穎彤飾)，期間不停向對方毛手毛腳，勁衰格！

之後鑫鑫父親爛賭發(魏惠文飾) 無力還債，於是將女兒賣俾夏滿，見到鑫鑫俾人捉實俾包包面真係好可憐！

夏滿將鑫鑫困於鐵籠中，狼性大發欲向對方施暴，施暴前更自隊生雞蛋，仲倒落鑫鑫身上，問對方想唔想試嚇，觀眾都大叫好變態呀！

慾火焚身的夏滿已按捺不住要向鑫鑫施暴，將對方壓在床上，更高呼要幫對方開苞！鑫鑫慘被蹂躪之際，幸得拳佬(陳展鵬飾)及刁蘭(胡定欣飾)前來相救，保住清白之身！

呢日李嘉就在FB重提當日拍攝吞生雞蛋一幕，佢搞笑咁話當年睇史泰龍在《洛奇》(Rocky)隊生蛋好有型，如今終於到佢表演俾觀眾睇！李嘉話拍攝時自己「硬著頭皮，封閉全身毛孔」，先可以一Take完成。不過當導演一叫Cut，佢就九秒九衝去廁所嘔… 果然係專業演員！

吞生雞蛋搞到狂嘔，都係為咗場戲效果好啫！唔少網民都留言大讚！

雖然李嘉拍到嘔，不過都有網民留言話食生雞蛋其實幾正！又有網民提供更佳食法。其實李嘉不妨參考一下！因為難保將來又要再吞……

昨晚一集鑫鑫慘被輪姦至死，唔少觀眾都睇到好傷心，李嘉都不忘在FB上載一張同Bella的合照，留言話快啲還番鑫鑫俾佢！劇中兩個角色都已經死咗，見到李嘉呢張黑白照，網民都留言話好掛住佢哋！

轉載請註明來源：今天頭條