藝人李心潔與導演老公彭順拍拖多年，並於2010年成婚。可惜男方不時偷食，最轟動都係2014年時被爆與嫩模李悅彤(Liddy)暗交一年！後來二人分手，彭順亦獲心潔原諒，兩公婆終和好如初。今年一月時兩人更齊齊在網上宣布女方懷上雙胞胎的喜訊，而上月孖仔已經出世！今日係一對孖仔滿月的大日子，心潔就首次大曬兩位寶貝的相片，網民見到都大讚可愛！
今年一月時，心潔與彭順齊齊在網上公布喜訊，佢哋上載咗一張四眼男拖住大肚婆的畫作，並留言道：「新的一年，我們帶著滿心的喜悅迎接兩個新生命的到來。」
上月心潔誕下孖仔後，一直都留在屋企坐月兼湊B，佢曾上載兩張BB床的相片，不過就未見孖仔真身！
今日心潔就在微博上載兩位公子的合照，見到兩兄弟非常可愛，同樣都係咪著眼睛，而嘴角都流露著笑容，感覺十分幸福！心潔留言︰「偷偷告訴你一聲，8月8日，我們滿月啦！」原來佢哋係7月8日出世！
心潔亦房露兩人的名字，哥哥叫彭濟雲，弟弟則叫彭子然，希望佢哋一家以後開開心心，幸福快樂啦！
轉載請註明來源：今天頭條