粉絲們，聽到周秀娜冇男友係咪即刻覺得好有希望呢！？

藝人周秀娜（Chrissie）、鄧麗欣及樂基兒等於尖沙咀出席電影煞科宴。以型格打扮到場的Chrissie笑言於新片中相當貪靚：「我個角色出街著到 花姿招展，喺屋企就著得好Sexy，打扮得一絲不苟。」惟現場傳媒一度聽錯Chrissie說成「一絲不掛」，她其後就搞笑自認若與男友在家，自己可能會 全.裸：「我依家冇男友，冇可以一絲不掛嘅對象。（同男友喺屋企會唔著衫？）男友嘛，已經係最親密嘅人。」認真令人想入非非！

問到Chrissie於新片有否動作戲份？她笑言自己扮演女飛賊，最愛偷男人心：「可惜偷唔到自己鍾意嗰個，以為對方係唯一，但最終唔係，自己戲中『被小三』。（似你以往拍拖經歷？）完全唔似，我性格唔似角色識氹男友。我係行動派，講嘢比較倔。」

周秀娜就話如果同男友喺屋企會全.裸。

但依家因為冇男友，所以搵到唔到一個可以一絲不掛嘅對象！

周秀娜（左起）、鄧麗欣同樂基兒一齊出席電影煞科宴。

轉載請註明來源：今天頭條