真係估唔到何傲兒除咗人靚仲聲甜！

藝人何傲兒（Lily）今日喺Facebook玩直播，見到著住緊身背心連身褲嘅佢，現身美孚街頭對住鏡頭好開心咁，原來佢同一位朋友大玩街頭快閃，唱歌 娛樂大家。起初見Lily同朋友大唱《下一站天后》，唔少網友都大讚佢唱功好，仲話佢演而優則唱，唱得好好聽。而一個轉身，估唔到Lily連舊歌都識，即 席唱埋徐小鳳嘅《風的季節》，盡顯功架，更吸引唔少途人圍觀，唔少網友估唔到佢咁唱得，真係人靚聲甜！

普通一件衫都可以著到有逼爆嘅效果，真係唔係人人都做到！

試過就上癮想再玩！

事 後《東網》打畀Lily，佢好興奮咁同《東網》講第一次喺街頭玩快閃唱歌，佢話：「好興奮好開心，因為未試過咁玩，同個朋友練咗幾次就表演啦！平時做騷唔 會同觀眾有咁近嘅距離，成件事氣氛好好，好溫馨！（玩多啲快閃？）經過今日之後真係覺得好好玩，都想做多啲，初時冇乜人，之後愈來愈多（人），我覺得係一 個好好嘅交流！（點解唱《風的季節》？）呢排徐小鳳開演唱會，再加上之前出騷前失聲，臨時轉咗呢首歌，唱過有經驗今次就不如試下！」

佢喺鏡頭前不停笑，好似心情幾好喎～

連外傭都認得

而Lily自爆喺快閃前嘅趣事，令佢非常開心，她說：「初時未開始我匿埋咗，企喺個垃圾桶隔籬，可能我都有咁上下高度，好多人見到，加上今日星期日，好多外籍家傭出街認到我，可能之前我拍過無綫處境劇，所以佢哋認得我，仲叫得出我劇個名，真係好有親切感！」

之後佢就大騷佢嘅唱功！

佢就話今次好好玩，佢自己都好想再玩多幾次～

當然有人圍觀兼集郵啦～

唔少網友估唔到佢咁唱得！勁呀～

轉載請註明來源：今天頭條