依家熱門鬥熱門，到底誰勝誰負？！
20位候選港姐到上環拍攝廣告，合照時兩位大熱「甫士王」馮盈盈（Crystal）及「蒙古郡主」代蓮曦丹美（Daisy）企正隔籬，Crystal身穿 黑色緊身裙盡顯蛇腰及Fit爆身材，至於包到冚的Daisy離奇谷巨胸，一對導彈更對正Crystal！
Crystal受訪時表示今次每 位佳麗都有不同服飾展示不同性格，她自己則sell優雅斯文，問到是否其真實性格？她說：「我斯文、活潑都有，視乎要求，今日都有啲內心戲。（之前拍開 片？）朋友當娛樂玩算唔算？」她坦言經過昨日淘汰十位佳麗後，心情反而更緊張：「知道之後日程好緊密，競爭更激烈。（男友打氣？）身邊親友都為我高興，唔 止佢，個個朋友都有發訊息恭喜我。（尋晚慶祝？）冇呀，今日一早工作，唔敢放肆，反而不停諗點樣做好啲。」她直言少了十位姊妹，今日氣氛不太熱鬧，而且大 家都疲累，情緒沒有那麼高漲，但之後會跟落選佳麗再約聚會。談到熱門「升Cup陳凱琳」鄺美淇（Maggie）被foul，Crystal說：「都要接 受，同時係唔捨得。」
即使今日落雨，都冇影響娘娘Crystal（中）出巡嘅氣派。
Daisy（左二）上面密實，下面（自行）露腿，Crystal（右二）就玩透視誘惑。
唔知Crystal會唔會覺得有嘢頂住呢？
唔知郡主跌咗啲咩呢？
大合照都係企埋一齊，不過轉咗另一個方向。
轉載請註明來源：今天頭條