阮兆祥（右下圖）扮「泰國通」胡慧沖，唔只網民大讚佢似，連胡慧沖本人都忍唔住喺Fb轉發呢條短片，認真厲害。
「男神」張智霖（Chilam）之前同昔日拍檔許秋怡相隔25年，再一齊合拍廣告兼唱番改編嘅《現代愛情故事》，結果反應好好，仲有成超過百萬嘅瀏覽，即 時惹起網民熱烈討論！今次Chilam就捨棄許秋怡，同一向扮嘢好叻嘅阮兆祥拍廣告。扮演「泰國通」胡慧沖嘅阮兆祥，化身「泰國燶」嘅佢，孖Chilam 教大家實用泰文，好似偷嚟（問人幾多錢）、溝仔（我明啦）！當講到「靚靚」嗰陣，大家唔好以為係Chilam老婆靚靚袁詠儀喎，不過Chilam都懶醒咁 話：「我識佢喎！」點知「泰國燶」話唔係人名咁解，只係揼骨嗰陣叫「靚靚」就會大力啲，令到Chilam幾咁尷尬！最後教教嚇突然停電，「泰國燶」大叫 「廢柴」、「廢柴」，原來係電筒咁解，今次真係學咗好多嘢！
真「泰國通」胡慧沖都些牙
今次阮兆祥扮呢個「泰國燶」，真係 花咗唔少心機，見一向白雪雪嘅佢，為咗要扮胡慧沖整到塊面好黑，好多都網民大讚佢扮乜似乜，最大亮點係連真胡慧沖都忍唔住喺Facebook轉發呢條短 片，佢話阮兆祥扮得好出神入化：「睇嚟冇幾耐我可以繼盧覓雪之後，同阮兆祥同台演出了！真係扮得出神入化！」唔少網民都話第一眼好似見到胡慧沖咁，應該正 版同翻版一齊拍廣告，仲話可以叫埋盧覓雪，三個人一齊拍廣告㖭！另外，個廣告通常都話預告定有下集，不過今次就唔見有，搞到網友都話覺得好可惜，因為都好 想睇到有下集！
網友有話兒：
Maxxxa Wxxg：搵到孖生兄弟！下次仲可以加埋盧覓雪！
Doxxxer Raxxxent：點解唔搵沖哥本人。
xxxa Lau：又真系（係）幾似。
Cxxxs Ho：好好笑啊，哈哈哈哈。好似沖哥啊！
阮兆祥仲教大家講泰文，「偷嚟」就係問人幾多錢。
「溝仔」就係我明啦。
「廢柴」原來係電筒咁解。
「靚靚」係揼骨嗰陣叫人大力啲。
翻版「泰國通」阮兆祥
轉載請註明來源：今天頭條