何超蓮久唔久就會玩嚇網上直播同粉絲傾嚇偈，喺凌晨時段佢玩直播時就口快快爆咗周揚青系羅志祥慨女友，搞到何超蓮之後要喺微博同周揚青say sorry。

睇到呢度系咪會諗，何超蓮同周揚青有乜關係？點解佢哋會一齊玩直播？咁就先解釋嚇佢哋慨關係，大家唔好亂估佢哋因為有台灣明星男友而認識，而系因為佢哋喺英國讀書時有共同朋友所認識，喺片段中除咗上述兩位之外，仲有一位成件事慨靈魂人物吳千語，就喺吳千語慨出現先搞到何超蓮做咗「爆料王」。

直播片段開頭都系得何超蓮同周揚青，中段何超蓮就話吳千語過緊嚟，之後去到第二條直播片，吳千語同一名男友人就已經到場並加入一齊玩直播，有三位靚女喺度網民特別多嘢問，見到吳千語好自然咁問嚇佢男友林峯喺唔喺度？何超蓮就代答話林峯唔喺度，之後有網民就問咁羅志祥呢？何超蓮就答羅志祥唔喺度，不過佢女友喺度，雖然周揚青同羅志祥拍拖都系公開慨秘密，不過兩位當事人系未親口承認過，當何超蓮發現自己講錯嘢做咗「爆料王」，即刻改曬口風唔再講羅志祥個名，凈系話「邊個」女友周揚青乜乜乜咁，搞到個場面勁尷尬，何超蓮仲轉話題分散大家慨注意力。

直播完咗之後，何超蓮就喺微博向周揚青道歉：「大家好！我是胖胖（周揚青暱稱）的男朋友，我不是爆料王，人家真的不知道嘛。」周揚青隨後回覆：「乖～原諒你！下不為例你這個胖妞。」

何超蓮（左）同周揚青一齊玩宜播。

何超蓮就代答唔喺度。

知道自己講錯嘢，何超蓮勁尷尬。

羅志祥（資料圖片）

之後吳千語（右）加入。

網民就順勢問嚇羅志祥喺唔喺度。

仲喺微博同周揚青say sorry。

網民見到吳千語好自然咁問嚇佢男友林峯喺唔喺度？

何超蓮就話羅志祥唔喺度，不過佢女友喺度。

林峯（資料圖片）

轉載請註明來源：今天頭條