40歲滕麗名(阿滕)最近憑熱爆劇《一屋老友記》成民間視後，人氣爆燈！其實阿滕入行廿一年，直至今天先爆紅絕對苦盡甘來，就好似佢愛情路一樣，曾遇上兩名賤男魏駿傑及郭政鴻，雖然受盡情傷、歲月慘被蹉跎，但一樣堅強面對！而阿滕說過慨十大愛情金句，句句發人深省，最終佢於2013年與圈外男友朱建昆結婚，修成正果！

拍《陀槍師姐》搭上魏駿傑

《陀槍師姐》絕對系阿滕代表作，98年阿滕跟魏駿傑因拍該劇而擦出愛火花，甚至達談婚論嫁階段，可惜九年後至2007年，二人宣布分手！

賤男變妻女奴

分手原因系魏俊傑當年搭上內地女學生張利華，魏、張二人更於08年火速結婚，之後魏被網民喪插系賤男，貪新忘舊！2010年張利華為魏駿傑誕下女兒Jessica，之後魏當妻女奴！

誤當第三者

直至2008年，滕麗名跟郭政鴻拍劇集《桌球天王》啜出情緣，正當大家以為阿滕終於找到一個超級好男人，紛紛送上祝福之際，甜蜜一年多後，男方被爆原來與內地女子已婚兼育有一名女兒！

即刻斬纜

阿滕再次遇到賤男，誤當第三者後，即決心斬纜，於09年7月宣布跟郭一刀兩斷！

終獲幸福

直至2011年阿滕撻著圈外男友朱建昆，拍拖以來一直愛得痴纏，期間更多次結伴外出蜜游，2013年初男方正式向阿滕送上鑽戒求婚，同年底拉埋天窗，阿滕正式成為朱太！

Think positive十大金句

40歲阿滕身形依然keep得好好，咁多年都冇乜走樣，系圈中其中禾稈冚珍珠慨美魔女！而對於以往感情創傷，阿滕不但坦言面對，仲好正面咁說出以下十大愛情金句，句句到肉！

1.對於與賤男魏駿傑分手，阿滕並冇指罵對方，因為：「我奉勸所有為情所傷慨女士，一系你面對唔到，死咗算數，一系靚靚女女企出嚟，搞到自己殘到死，愁眉不展，好運唔輪到你，因為你唔開心嘛！口講容易，但我可以好自豪講『我做得到』！」

2.雖然分手後要孤獨生活，但阿滕表示自由更可貴：「最唔習慣系煲劇冇人同我講劇情。但思想行為上，我自由了！」

3.阿滕表示女人就算單身，都可以好堅強！「記得有次三號風球，電燈膽突然自爆，成塊玻璃插親手臂，流血不止，但我好冷靜喎，打俾某男性朋友，叫佢車我去醫院，所以大家放心，身邊有好多愛錫我慨朋友，我死唔去！」

4.面對情傷，阿滕教大家如何釋懷：「有啲事過去就過去，冇事就冇事，有事就有事。」

5.對於曾被魏駿傑於微博鬧賤人，阿滕得啖笑，還拋出金句寸舊愛：「幸福慨人唔會周圍鬧人！」

6.對於賤男魏駿傑劈腿，阿滕仍冇數臭對方：「搞到最後分手，我肯定冇做錯啲咩，佢有冇有同我say sorry？我唔講喇，因為我講出事實，影響人就無謂啦！」

7.阿滕指就算失戀，都要型過人：「失戀大曬咩？女人尊重自己，別人先會尊重你，失戀走出來喊，好核突！」

8.若知另一半不再愛自己，阿滕會立即放手，唔再拖泥帶水：「愛慨時候，我好愛；一唔愛，我就立刻say goodbye，你話我撇脫咩？算系！」

9.阿滕認為世界好大，感情只系人生一部分而己！「唔通我失戀就要生要死？所以我心情復原得好快。凡事睇闊啲，人慨思維會唔同！」

10.阿滕告戒姊妹，失戀後喊系冇意思：「我覺得女人唔可以喊苦喊忽，咁樣唔靚，我唔會靠咁去博同情，有人同情又賺咗咩？」

文章來源: https://www.twgreatdaily.com/cat125/node1186923

轉載請註明來源：今天頭條