機會嚟啦，唔知大家又有冇咩心水呢？

全城鬨動的「六合彩暑期金多寶」明晚正式揭盅，預計頭獎彩金高達八千萬港元。藝人周柏豪、吳業坤、李佳芯和曾國祥都不約而同勁煲心水號碼8號，齊齊「8」個橫財夢。

六合彩暑期金多寶將於明晚攪珠，今次頭獎預計彩金高達八千萬港元， 全城再度陷入瘋狂！歌手周柏豪、吳業坤與李佳芯齊齊提供Lucky Number，不約而同鍾情8號，取其「發」音夠好意頭，齊齊「8」個橫財夢。周柏豪直言自己的心水冧巴永遠都與「8」字有關， 如8、18、28、38、48，加多個1號：「我由細到大都畀人叫做『柏豪仔』（8號仔），所以8號亦都系我個名嚟！我慨波衫同Lucky Number都系8 。1號就系Number One吖嘛，對我嚟講樣樣嘢都想系Number One ！」

中咗同小儀結婚

至於吳業坤亦密切期待暑期金多寶，還肉緊地表示會揀8號與10號：「因為我個演唱會系8月10號，亦會揀埋我生日4月18號，即4號同18號！如果要揀多兩個重要慨日子……小儀系11月23號生日，所以我會揀埋11號同23號，睇嚇我哋呢個組合會唔會中獎，中咗就同小儀結婚！」又指若中頭獎會全數捐作行善，認真有善心。

揀8號還有「女神」李佳芯，雖然她自言冇橫財運，但仍被獎金吸引：「我冇乜橫財運， 如果今次有八千萬，我就買8號8號冇衰㗎喇！我次次都系咁，如果系千四萬就買14號 ！總之金額系幾多就買嗰個Number！」

另一8號粉絲曾國祥解釋「8即系發」夠好意頭：「同埋系我自己慨生日，雖然我好少買六合彩，但買親都會買8號！第二個會買系23號，因為23號系球星米高佐敦慨Number，我成日都會買，祝大家好運！」

轉載請註明來源：今天頭條