掂兩掂當食咗，唔通……
無綫繼劇集《完美叛侶》畀網民發現穿崩位，要全城「同朕check嚇點解陳豪要換鞋」之後，又有網民發現喺另一套劇集《一屋老友記》入面有唔連戲穿崩位， 就係明明寫到明係「老友記水電舖」，講嚇講嚇變咗「老友水電舖」。不過呢啲都係小事，最搞笑係有超級眼利網民發現，喺《一》劇入面其中一幕，有位臨時演員 喺背景「食麵」變「聞麵」，而呢一幕「聞麵」立即喺網上引起大批網民討論，有人即刻義正詞嚴大叫：「星爺都有教，臨時演員都係演員，專業啲啦！」， 咦...呢位「老臨」咁唔專業，霞姨會唔會唔畀飯盒佢食㗎？
就係呢一幕個「老臨」引起大家注意呀！
夾起聞嚇…
又放番低…
批唔逼真
話說呢一幕就係講歐陽震華、胡定欣同滕麗名三個坐喺 間麵店度食麵吹水，咁話明麵店，就應該有客人食緊麵，所以劇組就安排咗個「老臨」喺背景負責食麵。見呢位「老臨」仲識得定時定候落嚇胡椒粉咁，真係演得幾 逼真㗎。但其實佢就只係起勢咁夾起啲麵，用個口掂兩掂，又放番低，所以網民就插佢唔專業同唔逼真，仲叫霞姨唔好畀飯盒佢食。之不過咁，正所謂「斷人衣食如 殺人父母」，有網民唔知係咪真係怕霞姨唔畀飯呢位「老臨」食，就企出嚟講番幾句公道說話。
不過，其實佢都演得算幾逼真㗎喇～
唔止識落胡椒粉，仲識食食嚇拎張紙巾出嚟抺嚇嘴咁，算唔錯喇！大家唔好雞蛋裏挑骨頭喇！
網民話好明白有啲道具係真係唔食得，佢夾起嚟扮食，做曬臨時演員範圍內應做嘅嘢，唔好雞蛋裏挑骨頭！仲有人抽水曲線力撐：「逼真？同意！入得鏡就一定要做到最逼真，拍武俠片一定要用真刀、而且要真斬，唔理咩理由，最多事後送佢去醫院，唔係會破壞成個意境。」
疑似張致恆留言
有網友就話可能係一個彩蛋呀！
疑似張致恆力撐臨記
就 連一個疑似係藝人張致恆（Steven）嘅帳號都留言話：「你跟（根）本就唔知道人地（哋）點解要扮食，有好多時道具喺（係）一早買定，但係夜晚先拍，臭 咗我叫你放入口你肯唔肯？後面嗰啲就話可以唔放入口，但係喺前面嗰啲主要演員有好多時係冇得避，一cut機就馬上吐返（番）出嚟！」簡直係道出曬演員嘅心 聲呀！所以話，其實人哋已經扮曬落胡椒粉又識食食嚇抺嚇嘴之類，啲戲已經由內到外再到番內，大家仲想點？霞姨直頭會醒多三個飯盒
轉載請註明來源：今天頭條