劇中就系一屋老友記，劇外就有你冇我。今日有周刊用胡定欣嬲豬滕麗名，仲已經去到「有你冇我」慨程度，兩人呢個幾月以來，只曾試過一次喺宣傳活動上碰頭。阿滕喺刊訪問亦已經話明，套劇系sell warm同團結，大家合作得好開心。今日阿滕接受傳媒訪問，講到呢件事，佢話：「宣傳嚟啫，花邊新聞，其實大家都知呢套劇睇落去系開心同好團結，真系好難得，團結到咁齊心又咁warm，真系冇呢啲事發生。」佢仲話定欣只不過系有嘢做，所以嚟唔到。不過人紅自然是非多，再加上喺網民力谷慨情況下，難免會有呢啲傳聞。對於o依家人氣同民心已經贏到離曬巷，阿滕竟然話開始有啲驚：「其實本意真系想套劇收得，但系如果再咁push，我有啲擔心會有更多花邊新聞，況且頒獎禮喺年尾先舉行，仲有好多劇未出曬。」阿滕仲話：「我相信好多藝人覺得攞獎系好大件事，但系某程度上，去到呢個moment，我覺得有冇獎攞呢件事反而系最少，網民慨支持真系令我好感動，我自己都有去睇啲留言，原來做戲咁多年，真系有人鍾意，有人會睇同留意，只不過唔會有人出聲或者刻意去講，點知最後出嚟結果系一面倒，呢樣嘢真系令我好感動。」佢仲話：「返去公司個個都恭喜我，雖然我個樣系好尷尬，我自己唔知俾乜嘢反應好，但系嗰樣嘢真系warm，最初我同阿蟹都擔心，唔知觀眾鍾唔鍾意我哋兩個都咁嘈，好彩最後都冇事。」o依家啲觀眾其實好識得睇戲，已經唔再凈系睇戲，連道具、食物都好認真研究，所以噚日有唔少留言話佢哋豪打邊爐，阿滕話：「其實系PA慨安排，唔關我哋事，我哋喺群組都留言話觀眾真系睇到，PA啲同事仲好細心，會講定乜嘢可以食，就算唔可以食嗰啲，都只系朝早去買慨海鮮，雖然買完返嚟都擺咗喺雪櫃，但系開工要捱夜，唔知身體啲抵抗力，所以小心啲提一提，我哋拍完一齊食，真系好齊心。」

胡定欣同滕麗名真系少有同場宣傳

佢哋各自要有現身宣傳活動

滕麗名今日回應就話佢哋不和只系宣傳嚟！

文章來源: https://www.twgreatdaily.com/cat125/node1173178

轉載請註明來源：今天頭條