三人老友鬼鬼，影張合照都可以無釐正經。

藝人林海峰（Jan）最近喺紅館大搞一連6場棟篤笑，獲唔少星級老友捧場，好似黃秋生、陳奕迅同老婆徐濠縈、張繼聰同老婆謝安琪、余文樂、廖碧兒等等，可見其人緣相當好！

放開個女仔！

睇 完精彩嘅Talk騷後，張繼聰就孖住謝安琪（Kay）入咗後台搵Jan搲水吹。

佢之後喺Instagram上載一張三人合照，不過呢張相影得好唔正經，相 中見Jan搭住Kay個膊頭，仲開心舉曬V，而Kay個樣就有啲無奈咁用手護胸。

睇見自己老婆畀人撩喎，張繼聰都有啲眼火爆，於是嘟曬嘴仔抗議…不過，以 上呢啲情景都係扮出嚟啫！其實佢哋三個咁鬼Friend，又點會玩唔起！

如果呢個唔係Jan而係男粉絲嘅話，唔知張繼聰（右）會點呢？

呢一張正經合照，到張繼聰（左）啟動粉絲Mode。

之後，Kay都有上載同Jan嘅合照，仲留言：「可能Jan叔叔都覺得我又肥又圓又乖乖，你睇佢笑得幾開心☺️❤️」

冇見一排啫，Kay好似發福咗咁多嘅？唔通…就快有喜訊宣布？

陳奕迅（左）、徐濠縈都有嚟。

轉載請註明來源：今天頭條