其他影片：>>

港姐蔡思貝入行以嚟是非多多，除咗經典慨學歷不可思議事件，3月嗰陣，佢為咗影男友英姿，更試過邊揸車邊影相，夠曬藝高人膽大。上次話自己一時疏忽慨蔡思貝，話口未完，大前日(8日)出席活動嗰陣，自爆喺活動前撞車。噚日讀者Andy透過《蘋果》慨「爆相爆片」，向本報提供咗懷疑係蔡思貝大前日發生交通意外慨車cam片段。片段中，只見蔡思貝所揸慨藍色甲蟲車，由金鐘紅棉道向灣仔方向駛去，原本蔡思貝架甲蟲車只可以直路駛向告士打道，但到燈位嗰陣，甲蟲車懷疑突然轉右，同隔籬線慨的士有碰撞。Andy喺電話中講：「好彩系的士，如果系貨櫃車，就大件事，不過個的士司機都好慘！」不過日前蔡思貝出活動講返個事發經過，就完全唔同版本喇。佢話當時自己揸車，途經金鐘夏愨道，因為唔熟嗰段路，結果同另一部的士有碰撞，佢就話，唔知系邊個撞邊個先。「我司機位慨玻璃撞碎咗，所以我全身玻璃碎，自己冇報警，但有警車到場，亦有消防車啱啱經過。消防員都有幫我處理情況，之後救護車嚟到，自己上咗救護車處理玻璃碎，因俾玻璃碎彈滿全身，有啲黏住皮膚，都有輕微流血，醫護人員很細心，好快幫我止血同清理碎片。」蔡思貝撞車，對於邊個撞邊個，佢就講到模稜兩可，不過要重組交通事故發生慨過程，車cam絕對系偉大慨發明。至於蔡思貝，佢就回復傳媒話：「唔好意思，唔方便回應！」

蔡思貝大前日撞車，佢喺活動上話唔知邊個撞邊個

讀者Andy透過《爆相爆片》，直擊到撞車過程（紅圈為蔡思貝座駕）

轉載請註明來源：今天頭條