炎熱慨夏日又嚟，除咗「食軟雪糕雪糕雪糕」消暑之外，當然要睇嚇鬼等自己「透心涼」喇。無線熱播劇《一屋老友記》集驚嚇與爆笑於一身，有收視福將歐陽震華（Bobby）坐陣，加上兩個「老鬼」胡楓及羅蘭慨搞笑演出，難怪廣受好評，仲牽起煲劇熱潮，真系睇少集都唔得！而被搶鏡慨Bobby，呢幾集終於反擊大放笑彈，唔單止扮鬼上身，仲著上女裝，場面爆笑，唔少網友仲話笑到標曬眼水添！

網民睇到個心離一離

劇中講到Bobby發現胡定欣身後有隻女鬼（麥皓兒飾）跟住，面無血色慨女鬼突然轉身，一臉猙獰咁望住Bobby，嚇到佢反曬白眼，睇到呢幕慨網友都話本身個心離一離，兼且忍唔住大叫，但下一秒見到Bobby反白眼又笑爆肚，真系嚇餐死又笑死！之後，Bobby扮曬冇事咁繼續做自己嘢，但女鬼跟到實一實，Bobby即時變到苦瓜干口面，被女鬼笑佢系豬腩肉都冇得出聲反駁，認真「慘慘豬」！

Bobby被贊搞笑能手

提到最爆笑一幕，梗系Bobby扮女鬼上身，展現無敵喜感。佢為咗幫女鬼攞番心儀慨手袋，不惜扮鬼上身嚇人，入曬戲慨佢仲用高八度又陰森慨聲線講嘢，加上蘭花手，令原本恐怖慨一幕都變得爆笑。演喜劇有一手慨Bobby，搞笑功力點止咁少，之後講到貪戀名牌慨女鬼見到名牌衫同手袋就「心心眼」，但佢接觸唔到凡間的物件，惟有叫Bobby著曬上身當自己著咗，而為圓女鬼心愿慨Bobby乖乖就範，仲攞住手袋擺曬甫士，十足十女士們攞住心儀手袋勁興奮慨表現，相當好戲！點知被呂慧儀撞破咗呢一幕，仲誤會佢系「易服癖」添，連「易服癖」都肯扮咁大犧牲，一班觀眾自然睇得開心，大讚Bobby系搞笑能手！

網民有話兒：

FAFAXXX：真系好睇，個個都演得好好，做女鬼慨麥皓兒都幾好戲，有幾幕真系嚇親我。

XXXcobi_W：女鬼出場真系嚇到我大叫，但下一秒見到Bobby勁驚個樣又笑到標眼水！

GladysXXXX：Bobby真系好好戲，扮鬼上身，驚到反白眼都好好笑。

MOLLYXXXUN：我平時睇戲唔識笑，睇歐陽震華竟然笑左（咗）出嚟，因為佢真系演得太好笑。

其實平時麥皓兒個樣都算幾甜美…

之後到Bobby發功！呢一幕真系笑番！

但今次真系做到女鬼嗰種恐怖Feel…

仲要拎住女人手袋扮到成個女人咁…其實都算恐怖慨一幕…

見到佢呢個樣，個心真系會好寒…

之後畀呂慧儀（中）撞破…內心可以已經覺得Bobby系變態！

文章來源: https://www.twgreatdaily.com/cat125/node1166894

轉載請註明來源：今天頭條