收視慘不忍睹的內地劇《琅琊榜》早前終於在無線播完，接棒九點半時段的《一屋老友記》由TVB福將歐陽震華主演，又有兩大老戲骨胡楓及羅蘭坐陣，加上劇集新穎有趣、有笑有淚，播出不久已經收視高開，觀眾網民都大讚！而《一屋老友記》的確集集都有精采位，昨晚一集更是集驚嚇與爆笑於一身，而且大家又再次欣賞到歐陽Bobby的無敵喜劇感，即刻重溫！

劇情講到燦燦(胡定欣飾) 最近晚晚失眠，樺哥(胡楓飾)及蘭姨(羅蘭飾) 更發現佢身後有一隻白衣女鬼跟住，懷疑佢被冤鬼纏身。大寶(歐陽震華飾) 雖然見唔到女鬼，但心裡非常擔心燦燦，於是跟在對方身後，發現燦燦突然仆出馬路，爭啲俾車撞死！

原來女鬼真正身份，系燦燦以前兒童之家的好友、早前車禍喪生的芳芳(麥皓兒飾)，見到佢長發及腰、面無血色、笑容猙獰，真系睇到心都離一離！

下頁續

大寶見到芳芳後都嚇餐死，於是擠眉弄眼扮見唔到，扮冇事咁繼續做自己嘢，咁都得！

不過芳芳唔放過佢，仲嘲笑佢系個大叔，話燦燦一定唔會鍾意佢呢舊豬腩肉！見到Bobby個樣咁淒涼，唔知佢真系驚鬼，還是好傷心俾人話系中年大叔呢？

之後先知系一場誤會，芳芳根本冇打算要害燦燦，仲對大寶講述生前遭遇。原來當時芳芳千辛萬苦買到心儀手袋，點知被賊人搶劫，兩人糾纏間芳芳不慎跌出馬路，慘被撞死，之後魂魄就一直附在自己生前最愛的手袋上。

點知芳芳附身的手袋俾人買走咗，大寶隨即搵到個女客人，希望用高價買回，但個客人當然唔肯。呢個時候大寶竟然出絕招扮鬼上身！佢突然手舞足蹈又Chok出一把勁尖的女仔聲，眼神凌厲，十足十芳芳上咗身咁，小編真系睇到笑死咗！

出到鬼上身呢招，個女客人即時嚇到喊出嚟，手袋都唔要就跑出餐廳。「回復正常」的大寶即時好輕鬆咁話鬼上身啫好小事，叫大家繼續食嘢！一毫子都唔使就拎番個手袋，勁呀！

轉載請註明來源：今天頭條