其他影片：>>
馬國明可以話系娛圈中慨荀盤，不過就有個網站話佢好愛唐詩詠，仲叫洪永城好好照顧佢，之後又有雜誌搵返啲好舊慨直播，指馬明真系講過鍾意唐詩詠，其實個直播馬明只系話唐詩詠呢類女仔佢都好鍾意，不過佢又真系講過叫叫洪永城好好照顧唐詩詠。之後網上又有指馬明有十幾條金句，其中一條仲話馬明唔會主動追女仔，要等女仔追，篇文仲叫啲女仔去追馬明咁話。今日馬國明、蔡思貝、楊明、梁崢等，出席新劇慨拜神儀式，當然要問下馬明系唔系要等女仔追，佢就話：「沒說過啊，當然會主動追女生，男生就是要做主動啊。」除咗有金句慨傳言，仲有傳好多女追馬明，但佢就話完全冇咁慨事，仲覺得有啲對唔住啲女演員。至於被喻為新一代發電廠慨蔡思貝就話希望今次合作都可以同馬明傳嚇緋聞，唔傳就系唔畀面。而蔡思貝前晚被發現同一班《純熟意外》台前幕後食飯時，喺傳不和慨李施嬅張大合照中「失蹤」（新聞連結： http://bit.ly/29kU40Q ），蔡思貝解釋話只系咁啱行開咗，又話佢哋系有合照慨。至於日前因為拍機車戲份發生意外，炒爆膝頭慨楊明，噚日就撐著枴杖到場，佢話已無大礙，o依家只系怕傷開，所以行路會小心啲，佢仲話今次受傷，受到有生以嚟最大慨關心，而女友莊思明更加系連日嚟照顧住佢。
馬明話佢都會主動追女
蔡思貝話今次同馬明合作都想同佢傳嚇緋聞
楊明撐著枴杖到場
轉載請註明來源：今天頭條