今年寫真戰，出書o靚模真系弱咗啲，唯一焦點相信非宅男女神孫慧雪莫屬，下星期一生日就34歲慨雪雪，佢入行10年，終於．．．．．系終於的起心肝出本寫真留念，佢話呢本系第一本，亦系最後一本。寫真去到台灣墾丁取景，3日外景，吸晴度十足。寫真集叫《Once》，打算嚟緊周日推出，順便賀雪雪牛一喎。據知呢本寫真成本約6位數字，首批出版數千本。搶先睇嚇雪雪本寫真乜嘢料，33C、25同35三圍慨雪雪，佢話今次本書有20個造型，最激話有半祼喎，佢話全部啲衫自己揀，盡顯佢「笑女」真面目，雪雪今日接受《蘋果》電話訪問，到底佢最滿意自己body邊部分，佢話：「系笑容，不過影嗰時猛叫我唔好笑喎。」身形唔滿意咩？佢話：「我對自己身形唔系咁有自信，成日覺自己有少少肥。」雪雪強調寫真相系零美圖，全部系原圖，佢好怕刻意執到自己出瘦樣示人。雪雪話呢排趕劇，所以攝咗檔期出埠拍攝，去到墾丁又遇上驟睛驟雨，佢哋睇住個天氣影相，3日行程趕到爆。至於影寫真前準備功夫，雪雪話：「兩日我睇咗100本寫真攞感覺，綜合嚟講，我最鍾意系日本啲，我就攞咗嗰啲feel入去。」雪雪話撲捶影真：「再唔出，唔知將來keep唔keep到，趁靚影一本留念唔後悔。」大家知道雪雪出寫真，爭住問佢攞「福利」，佢話：「有男有女爭住叫我送書，我一視同仁，全部叫大家幫襯。」

33C都幾正！

冇執過0架！

啲衫系雪雪自己揀。

轉載請註明來源：今天頭條