藝人歐陽震華一向都系無線劇集慨收視福將，由歐陽震華（Bobby）、胡定欣、滕麗名、呂慧儀、羅蘭、胡楓等藝人主演慨無線劇《一屋老友記》，播出短短一個禮拜，已經成為電視迷茶餘飯後的話題，個個食完飯坐定定等睇劇。

以往電視迷熱追慨劇，都離不開啲青春靚女，不過今次就有啲例外啦！因為胡楓和羅蘭呢兩隻「百厭鬼」慨演出真系好好笑，搶曬所有演員風頭。網民話：「之前睇羅蘭慨『龍婆』形象幾得人驚，估唔到佢響《一屋老友記》入面一啲都唔恐怖，覺得佢好可愛。孖住胡楓，兩個加埋百幾二百歲人，可以擦出火花。」

講到兩位老友記慨爆笑演出，不得不提第三集。當寶歡(歐陽震華飾)知道白樺(胡楓飾)與依蘭(羅蘭飾)慨真正身份後，戴咗條蒜頭頸鏈同十字架入去同兩位老友記講數，不過佢哋當啲捉鬼法寶無到，依蘭仲穿過寶歡身體，嚇到寶歡鼻哥窿無肉。之後仲搵埋好友百川(韋家雄飾)響屋企開壇捉鬼。而兩位老友記當佢唱大戲，企定定睇表演。嚇到得半桶水慨百川狂叫「有怪莫怪，細路仔唔識世界。」激到寶歡半死。網民笑謂：「原來鬼系唔怕你開壇，佢哋當睇大戲，韋家雄都演得好好笑，姜果然系愈老愈辣。」

除咗老薑受電視迷力撐之外，其他演員其實都有唔少支持者，有人就講：「最好笑就系Bobby瞓醒周身骨痛，由頭痛到腰骨到pat pat，佢慨細佬四寶話發現佢在天台一齊抬佢落嚟，片影住佢哋唔夠力，Bobby由樓梯一路凳十幾級落嚟~~笑死我，我剛好飲緊水，好笑到差點濁親。」

網民有話兒

幸x輪：噚晚見到bobby 喺梯級度系咁瀡落去, 真系笑到收唔到聲。」

alanwxxx： 好慈祥既(慨)老人家，好可愛！

susamxx：《一屋老友記》會以為會很驚慌，看完覺得不驚慌，還好好笑。

leeyukkxxg：羅蘭同胡楓真系姜越（愈）老越（愈）辣。

xxxnwx33446：見到Bobby個樣真系有D（啲）驚......面色灰黑，系咪專登幫佢化個撞鬼..妝。

第三集講歐陽震華戴咗條蒜頭頸鏈同十字架同兩位老友記講數。

呢幕笑死網民。

到韋家雄出場！

羅蘭穿過歐陽震華個身。

歐陽震華貴為收視福將，但今次都被兩個「老鬼」搶曬鏡。

佢即刻開壇捉鬼，但得半桶水。

嚇到歐陽震華鼻哥窿無肉。

姜真系愈老愈辣！

轉載請註明來源：今天頭條