對於被爆同小牛密會兼戴情侶耳環，鄧麗欣直斥無聊。

藝人鄧麗欣（Stephy）今年3月與方力申宣布結束十年情，台灣女排手鄧衍敏（小牛）被傳是第三者，但Stephy堅稱雙方只是好朋友關係。

不過睇番佢哋啲相。

對耳環真係好似同一款式喎。

不 過有讀者爆料，指小牛近日來港與Stephy密會，兩人更與朋友一起到淺水灣The Verandah撐檯腳。

爆料人又指小牛與Stephy佩戴同款情侶鑽石耳環，早前又陪Stephy到峇里島出席楊愛瑾（Miki）婚禮，並謂小牛一直希 望公開關係，所以經常在instagram（ig）刻意上載有關Stephy的相片。

對此，Stephy沒好氣說：「太無聊了。」並強調小牛來港不是為了 與自己密會：「甚麼密會，她來看女排大獎賽啊。」

她又表示希望不要再傳出同類新聞，因她不想影響到朋友。

小牛近日喺IG上載咗一碟魚。

而鄧麗欣好友區文詩亦都有上載同一碟魚，而佢標誌嘅地方，同讀者爆料嘅地方不謀而合。

Angela：大家都熟

小牛與Stephy的好友區文詩（Angela）在電話中則承認有跟小牛食飯：「係成班朋友，我同小牛都熟。（話小牛同Stephy密會？）啲人要咁傳、要咁講都冇辦法，大家都係朋友嚟。（話佢哋戴情侶耳環？）點會，肯定唔係。」

轉載請註明來源：今天頭條