十優港姐麥明詩（Louisa）最近與律師男友林作情海翻波，男藝人何浩文（Dominic）因挺身護花被指力追Louisa。今日Dominic及Louisa齊齊宣傳新劇《賭城群英會》，劇中兩人跟高海寧（高Ling）大玩三角戀，對此Dominic說：「本身我系同高Ling，但同Louisa有感情瓜葛，最後都系最鍾意高Ling。」

唔排除閃婚

問Louisa現實生活中誰是男友？她說：「我同Dominic戲入面系一對啫！（林作先系男友？）大家冷靜中。（因為佢被拍到攬女？）個心系有唔舒服，一段關係入面，你哋睇到慨嘢系問題慨病徵，但我唔會將呢件事放大，我哋兩個都有問題，我會自我檢討，呢段時間都有聯絡、溝通、見面。（之前畀人影到你喊嗰次？）呢次之外都有見面。（你做咩喊呀？）我一向眼淺，有啲情緒，兩個人慨嘢涉及情緒，我就會喊，但唔系咁大件事，喊好過收喺心入面。（原諒男友？）佢有解釋，但我唔會將呢件事放大。（有得醫？）試嚇，但唔可以太勉強，要順其自然，如果註定就會喺番埋一齊。」

「唔喺香港心情都好啲」

問到林作媽咪是否有打給她時，她說：「拍拖同對方家人有溝通系好正常，傾幾句。（佢做中間人？）都系關心我。（放假陪嚇男友？）我之後要去巴西奧運，當放自己假，到時專心工作，唔喺香港心情都好啲，冇咁大壓逼。（冷靜期幾耐？）我冇時間表。（冷靜完之後結婚？）呢幾年都唔會，但世事冇絕對。（之後同Dominic避忌啲？）正常咁，有責任做好宣傳。」對於有指林作母親以6,500萬港元買樓作他們結婚之用，Louisa表示聽聞對方是投資，並指拍拖是講Feel，跟對方經濟無關。

何浩文否認追麥明詩

問到Dominic是否作歌追Louisa並挑戰林作？他說：「大家唔同類型，我系藝人，佢系律師，好難話挑機。（系咪追Louisa？）梗系唔系啦！」

麥明詩同何浩文唔知系咪因為傳緋聞關係，全程有啲避忌。

只系偶爾有啲笑容。

麥明詩話同林作依家冷戰緊，而且問題唔止喺林作身上。

何浩文今日就堅決否認追麥明詩，咁之前佢咁落力護花系...

而麥明詩今日慨表現都有啲失落。

但感覺都好似皮笑肉不笑咁。

佢亦坦認，林作被影到攬女，個心唔舒服。

埋堆傾閒偈都冇佢份。

大家睇嚇麥明詩慨笑容幾牽強。

不過佢話自己唔會放大單一事件。

轉載請註明來源：今天頭條