獨家消息指，古明華因病入院，更要住隔離病房。

古明華上月出席「五月星辰」活動時，已經話自己病足一個月。

無綫藝人古明華（古佬）因患上傳染病而秘密入院。據知目前要住隔離病房的古佬，即時停下無綫新劇《三個女人一個「因」》的拍攝工作，他亦深怕驚動身邊人，故不願向外透露自己留醫。

其實古佬於上月現身電視城「五月星辰」活動時，曾提及生日願望是希望大家都身體健康，皆因自己已經病足一個月，期間更不斷睇醫生，可見古佬身體持續抱恙。

而今日佢接受訪問時，就承認患傳染病，但就堅持話個病嘅傳染性好低。

強調傳染性低

他表示因過勞入院，進行身體檢查後需留院休息。問他為何病情嚴重至需要隔離，古佬強調獲醫生告知僅感 染低傳染性病菌：「有少少唔舒服，喺醫院唞緊。檢查緊係咩傳染病菌，要留醫幾日。（依家隔離緊？）係，但醫生同我講明係低傳染性，連親密如我太太同囡囡都 冇傳染到。我冇事！我好快就出院，唔想嚇親合作嘅同事同接觸過嘅人。」

古明華舊年都仲肥嘟嘟，不過呢排真係瘦咗好多。

雖然古明華因為個病，唔可以再拍《三個女人》，但同劇嘅演員依然送上祝福。

同劇演員齊送祝福

《三》監製潘嘉德坦言知悉古佬入院，又謂會搵人頂替其角色：「佢停工對套劇影響不大，依家搵人頂替佢，萬事等古佬休息好 先。今次未能同佢合作都可惜。」同劇的黃智雯則直言開劇前已知古佬久病未愈：「都係從監製口中先知道（佢入院），開劇前已知佢唔舒服，一直都未好番。劇中 佢係我師傅，希望佢快啲康復！」至於與古佬有不少對手戲的袁偉豪則表示：「我自己都有諗過慰問佢，遲啲睇嚇點，等佢好好休息先。我同佢都有啲同場對手戲， 不過唔緊要，希望佢早啲康復。」

潘嘉德（圖）話好可惜今次冇得同古佬合作。

轉載請註明來源：今天頭條