《純熟意外》劇透吳啟華自爆不死人真身

無線劇《僵》上月已播完，不過劇中不死人及殭屍等角色早已深入民心，唔少觀眾依然念念不忘。加上劇集留有不少伏線，似乎會有續集睇！而現正熱播的劇集《純熟意外》看似同《僵》無甚關係，但原來劇中都隱藏住一個不死人！就系吳啟華飾演的喬文傑！

sponsored links

《純熟意外》初出街時沒甚迴響，加上由勁冇觀眾緣的蔡思貝擔正，搞到劇集早早被插！不過隨劇情愈來愈刺激緊湊，而思貝演技亦進步不少下，劇集終開始多人討論。其中「師奶殺手」吳啟華飾演的喬文傑，觀眾對其真實身份有唔少揣測，有人話佢個角色好有蝙蝠俠的影子！

因為喬文傑呢個角色系個西裝骨骨的有錢人，身邊又有個老管家服侍，開口埋口都系「少爺」，成個設定同蝙蝠俠中的Bruce Wayne及Alfred好相似。

仲要咁好身手！實在好令人懷疑佢系咪半夜會換蝙蝠裝出動囉！

sponsored links

而觀眾另一個說法就系，喬文傑好有可能同「刑活著」一樣，系不死人！首先系劇集中不時會出現喬文傑著古裝的鏡頭，但佢之後一直在現代生活，感覺上似系由古代活到現在；之後第六集講到喬文傑遇上車禍，俾車撞到飛起，全身沾滿血跡，但佢死唔去之餘仲可以自己行返屋企養傷！

唔通《僵》入面尚未露面嗰四位不死人之中，其中一個就系喬文傑？咁可能吳啟華會加盟《僵》續集啦！

觀眾不停猜測，所以吳啟華本人就決定嚟一個大劇透！佢日前接受訪問時就話其實喬文傑呢個角色系一個由元朝活到現代，已經700多歲的不死人！而下星期的劇情就會交代角色的真正身份。啟華話原來古時公主李施樺俾咗長生不老藥佢食，所以一直活到現代，不過佢就只系有自愈能力，唔似得刑活著咁好打或者都敏俊咁樣有超能力。

文章來源: https://www.twgreatdaily.com/cat125/node1133965