藝人王敏德（Michael）曾經說過，第一眼看見太太馬詩慧（Janet）時，就覺得她很美，嘴甜的他更向對方說：「我覺得我們的孩子會很美！」成功抱得美人歸。結果Janet為他誕下長女王曼喜（Kayla）、二女王麗嘉（Irisa）及兒子王躍穎（Kadin）。

「有三次對佢哋好惡」

提到三名子女，Michael笑謂：「睇住佢哋大，時間過得好快，唔想咁快！」問到有何難忘回憶？Michael說：「都系同普通爸爸一樣，我印象中有三次對佢哋好惡，應該系每人一次。事後自己都有諗，系咪惡咗啲呢？但我基本上都好隨和，好易開心，個女寫生日卡畀我，我睇到就會忍唔住喊㗎喇！」

恨做Grandfather

Michael指仔女都是獨立的小朋友，不用他擔心，他表示相信孩子選擇的路並會由衷祝福：「無論佢哋做乜嘢我都會好支持，只要唔系犯法事！我其實好期望做grandfather，我有朋友已經做咗，我問佢哋抱住孫仔感覺系點？會唔會好似抱住自己BB咁？我好想感受。我同Janet都唔介意做工人，幫佢哋湊！」Janet聞言即笑說：「我唔想（抱孫）住喎！其實佢思想仲傳統過我，仲眼淺過我。佢之前送二女去美國讀書，走嗰陣揸車去機場，佢打畀我喊到豬頭咁，睇啲女寫畀佢慨卡又喊，哈哈！」

試過掟爛阿囡電話

有個俊朗Daddy，自然令不少人羨慕，但Irisa卻不以為然：「我覺得好普通，學校老師見到Daddy張相話佢好靚仔，我話系咩？不過佢後生嗰陣都Ok慨！」Kayla亦認為Daddy是位緊張爸爸：「佢會叫細佬識多啲女仔，但就好擔心我哋會畀人蝦、占便宜。有次我講大話去跳舞，佢打畀我，我冇聽，之後返到屋企佢好嬲，掟爛我部電話。我冇嬲佢，知佢系擔心我，但就好心痛部電話爛咗，哈！」Kayla和Irisa均表示，在父親身上學到做人要有夢想，這樣生命才有意義。

王敏德畀老婆爆佢之前送二女去美國讀書時，喊到變豬頭。

王曼喜試過因為講大話，最後畀爸爸掟爛部電話。

王麗嘉（左）、王曼喜

認真溫馨。

王敏德表示最大心愿是兒孫滿堂。

王麗嘉話唔覺得爸爸王敏德好靚仔，不過都有補飛話王敏德後生嗰陣都Ok慨！

王敏德與仔仔王躍穎（右）

早前王敏德與家人慶生。

馬詩慧話老公王敏德思想傳統過佢，亦眼淺過佢。

馬詩慧（左起）與二女王麗嘉和長女王曼喜。

王敏德與老婆馬詩慧，與三仔女（童年時）照片。

文章來源: https://www.twgreatdaily.com/cat125/node1131365

轉載請註明來源：今天頭條