藝人莊思明、孫慧雪、鄧佩儀、岑杏賢、梁麗翹及何基佑出席《2016 TVB最受歡迎電視廣告大獎》記者會，大騷美背的思明透露男友楊明身在深圳開工，日前特地買了一隻柴犬送給她，令她冧爆！她說：「佢知我只芝娃娃死咗兩年，前排我哋行寵物店，佢見我望住呢只寵物慨眼神，知我鍾意，第日佢就打電話去買！最驚喜系佢對動物有敏感都買。（咁咪冇得一齊玩狗？）我養囉！佢摸幾嚇都ok慨。」

思明透露男友將返港，問會否再狂曬恩愛合照放閃？她笑說：「我會儘量檢點啲，忍嚇囉！（好多朋友投訴？）梗系啦！咁我惟有忍嚇啦！（楊明鍾意公開？）佢冇咩所謂，我有問過佢介唔介意，佢話我開心就得。」思明又表示樂意跟男友情侶檔上陣拍廣告。

唔覺裕美有唔開心

講到歌手裕美驚爆正辦理離婚，並被拍到與藝員黃子恆密會，思明透露跟裕美較稔熟，但不清楚對方離婚一事，她說：「有一排同朋友gathering系成日見到佢，但冇問人私生活，可能真系同佢好熟慨人先知。（有冇覺得佢有咩奇怪？）會奇怪佢點解出得嚟多咗，之前就好耐先見一次。（有冇見佢唔開心？）唔覺，咁佢瘦咗好多，但佢話系減肥瘦。（識唔識佢老公？）唔識，我冇見過佢。（信唔信佢同黃子恆慨報道？）我唔方便評論，相信佢哋只系朋友慨。」

前面睇得

莊思明系咪真系忍得先？

後面一樣睇得

會唔會到頭來系楊明唔忍得？

楊明唔怕戀情高調，話只要思明開心就得，冧死人咩。

莊思明鍾意咗只狗仔，就算楊明有敏感，都即送女友。

轉載請註明來源：今天頭條