藝人陳瀅日前在社交網站上載偷襲好友蔡思貝及彈其「Bra帶」的短片，她出席活動時興奮講述事件，並說：「佢嗰日著咗件背心，條Bra帶好現，我咪彈佢Bra帶，估唔到咁多迴響，啲人話女仔細個都會試過彈人Bra帶，我都唔清楚，總之就系童年回憶！（男友有冇彈你Bra帶？）冇，呢個系女仔玩慨！」

問到端午節可有跟男友何猷亨及其家人一起吃飯？她說：「端午節我同七個女仔一齊，咁啱系Grace（陳凱琳）生日，難得佢喺香港，佢好忙㗎。（咁父親節會唔會同何生一齊食飯？）私人感情唔答，之前都講過想低調啲。（遲嚇暑假會唔會同男友去旅行？）我哋兩個都好忙，佢又周圍飛，我自己會返加拿大，睇嚇工作安排先。」

陳瀅講番彈蔡思貝Bra帶單嘢，依然好興奮。

佢話呢個系女仔慨童年回憶。

但因為系just for girls，所以唔會同男友玩。

相反陳瀅就梗系擺出勝利者姿態啦，佢留言話：「純熟意外 PS: 好鍾意聽 @sisleychoi（蔡思貝） 叫 #無限loop」有唔少網民都留言話陳瀅「好壞呀」，不過相信大家讀書慨時候，都可能玩過呢樣嘢，回憶真系返曬嚟呀！

陳瀅準備行動喇！

伸出「鬼手」用力一拉再一放…

失驚無神畀人彈喎！系驚慨！但蔡思貝嗌得寧舍嬌嗲「呀…」

嚇到呆咗唔識畀反應咁喎…

陳瀅就笑到四萬咁口，Yeah！（你哋有冇玩過？）

陳瀅ig

轉載請註明來源：今天頭條