綠葉演員何其多，你又記得有幾多個？

依家播緊慨無線劇《純熟意外》，其中一集入面，上演咗一場喺天橋上慨自殺戲，即使呢一幕有主角吳啟華同蔡思貝慨落力演出，不過都唔及該名演繹有幻聽、自殺慨綠葉演員搶鏡。唔少網民都大讚佢表情到位，將自殺嗰份惶恐、絕望、激動表現出嚟，超級好戲，仲紛紛問呢位咁好慨演員叫咩名！

無線「御用警察」

等《東網》話你知！佢叫趙樂賢，第19期藝員訓練班入行，今年36歲。有睇開無線劇慨朋友一定認得佢，曾拍過劇集《溏心風暴》、《愛．回家》、《寒山潛龍》等，多不勝數，更加系無線慨「御用警察」，重案組、交通警，甚至系古代慨侍衛都做過！佢拍過咁多套劇，演技當然有番咁上下，有時只系爭一個好角色。無線官方Facebook上載咗樂賢喺《純》劇拍自殺戲時慨花絮，片中佢咬牙切齒咁講出一連串內心感受，之後就用力舉槍指住自己條頸，繼而開槍自殺，鮮血四濺，隨即由天橋跌落地面，連死嗰刻慨眼神都依然猙獰同無助；睇就幾秒，但由天橋跌落地面一幕都已經要拍好多個take，要由工作人員猛力推佢落地下，又或者吊住威也跌落條橋，真系睇落都覺得牙煙同痛呀！

演技獲贊勁開心

《東網》亦即刻搵咗趙樂賢做咗個電話訪問，佢知道自己演技備受讚賞即表示驚喜，佢話：「其實都非常之驚喜，我唔識畀咩反應！（嗰場戲入面跌咗好多次？）其實都有好多次，因為要影唔同角度。由天橋上跌落嚟嗰幕就拍咗4至5次，至於片入面喺地下我畀人推嗰幕就拍咗2至3次，不過都有啲痛。其實之前未試過拍呢啲咁高跌落嚟，要吊威也慨戲，2004年入行到依家都未試過。不過我嗰時都冇點驚慨，因為當時太多人喺度喇！（今次有咁大迴響，覺得點？）原來畀心機做好自己，系有人睇到慨，好開心。」佢又講到自己好欣賞喺《愛．回家》中演K.C.慨演員歐瑞偉，指對方拍劇一樣系咁搏命，有專業精神！

被誤認真警察

此外趙樂賢都直認自己有個「警察樣」：「我真系做過好多次警察，仲有次喺機鋪有人以為我系警察添，佢走過嚟搵我幫手咁喎，我個樣可能真系似警察。」而佢近年更開始「無間道」，笑指依家好似多咗做賊：「不過近呢幾年又唔知點解成日做賊，可能個人老咗啦。」

是日金句：「原來畀心機做好自己，系有人睇到慨。」趙樂賢，加油！

網民有話兒：

Elxxxe Ma：那位演員真是做得很認真和投入

Texxxa Cheung：從來唔知佢個名。真系好演員。TVB有好多靚綠葉。好好珍惜。

Lee xxx：我也很想知這位演員的名字，很好戲的綠葉。

馮xx：自殺果（嗰）個好好戲 有冇人知叫咩名

Suk Hxxx Cheung：這場戲做得非常好，趙樂賢加油。

《純熟意外》依場戲，又要扮幻聽，又要激動，又要自殺！

一個鏡頭，都拍幾次。

連古代慨侍衛都做埋。（後排中）

2014年結咗婚，老婆勁pure勁true。

堅難演！

畀工作人員連推幾次，陰公！

同林夏薇有合照。

但佢演得好好！

無線藝員訓練班畢業後，佢Keep住成日做警察。

入行逾十年，拍過唔少劇集。（右一）

轉載請註明來源：今天頭條