與賭王四房長子何猷亨蜜運中的「宅男女神」陳瀅，出席第83屆香港結婚節暨夏日婚紗展《愛在仲夏盛放時》華麗婚紗Fashion Show。擔任模特兒的她谷胸換上八套不同類型的婚紗行騷，盡現甜美笑容及美，她還於台上向大家送飛吻，冧暈現場粉絲！她表示早前曾拍攝婚紗代言廣告，今次是第二次行婚紗騷，又笑言因戴上皇冠的關係，覺得自己很有香港小姐感覺。
主張簡約主義
問到喜歡哪類型的婚紗？她說：「我鍾意簡單易著，唔好太多泡泡，好難行，因為經驗教訓，試過咁多婚紗，覺得真系舒服最好，到當我結婚嗰日，如果有得結慨話，就簡單為主。（有冇憧憬過婚禮？）細個成日幻想好想似迪士尼啲公主咁，但大個咗可能想簡單啲，我覺得我系會有個destination wedding（海外婚禮），咁慨時候，真系好錫你好真心慨人，就會專登去買機票同請假去，如果唔太friend慨，就會話唔得閒，destination wedding系試驗到邊啲朋友好想睇到我結婚。（想喺邊個地點搞？）唔好太熱，唔好太凍慨地方。（你結婚應該繫世紀婚禮！）點會呀，話明destination wedding，即系要自己買機票、自己請假、自己去㗎喇。（你得，可能未來老公唔得呢！）咁就唔知啦，到時先算啦。」
諗過廿歲頭結婚
她又謂現時跟男友均以工作為主，暫時未有結婚計劃：「我哋兩個工作都比較忙。（冇提起過？）都冇刻意去提。（會唔會私下同姊妹傾第時婚禮點搞？）又冇喎，因為身邊啲朋友都未訂婚，好single，當一個二個開始結婚，就會諗系咪差唔多自己都要諗，但自己啲朋友仲系單身，所以未有呢個壓力。（有冇諗過想幾歲前結婚？）以前細個有諗過20歲頭，但依家已經過咗嗰個年齡啦，好sad。」
私下祝賀猷君
問到為何不跟男友一起飛往美國波士頓出席何猷君於麻省理工大學的畢業典禮？她說：「我要做嘢，要開劇。（有冇叫你去？）唔講私人嘢。（私下祝賀猷君？）我會。（已打畀佢？傳訊息？）未喎，陣間會。」又謂最近忙於拍攝無線劇集，笑言日日都對住張振朗。
著起婚紗就梗系諗起結婚啦，佢話大個咗就鍾意簡約風！
不過佢話同猷亨都冇計劃，亦冇提起過！
戴起后冠慨陳瀅，真系成個香港小姐咁！
女神唔止送飛吻～
何猷君、四太（資料圖片）
希望可以搞個destination wedding，咁就試到邊啲朋友真系想睇佢結婚！
以前就想20歲出頭結婚，但依家都已經過咗！
婚紗除咗有低胸，仲有Deep V！
仲有派心心～
張振朗（資料圖片）
猷亨呀猷亨，收到未呀？
仲喺台上大派飛吻！
點解著邊套都咁靚？
佢話唔得閒去美國睇猷君畢業，但會私下恭喜佢！
轉載請註明來源：今天頭條