最近播出慨無線新劇《純熟意外》故事情節同題材都同現今社會好貼地，所以吸引唔少OL、師奶甚至小朋友喺食飯時段收睇。日前播出慨第二集尾段講到剛甩拖慨羅鈞滿想令女友回心轉意，不惜眾目睽睽跪地哀求，仲慘挨女友連環掌摑7巴，睇到呢度有冇覺得似曾相識？冇錯，系重演2013年網上瘋傳慨「14巴港女」事件。

網友大叫心涼

網友睇完呢幕都話好有親切感，而且仲好有代入感，何解呢？點解咁多人唔搵，偏偏搵羅鈞滿演呢？大家諗起羅鈞滿，會諗起前無線新聞小花張文采定還是空姐？羅鈞滿曾背住舊愛張文采夜蒲獵空姐，引起當時一眾網友不齒，負心男形象定形，加上又涉嫌酒後駕駛，是非新聞一籮籮，所以網民對於佢連環被摑呢幕，話睇到好心涼！

認真演出啪啪聲

但系，撇除是非新聞，其實羅鈞滿重演呢場「14巴港女」事件其實演繹得唔錯。喺咁多人慨街上面，都願意放開懷抱、演繹一個毫無尊嚴慨港男，而且「港女」演員真系一巴一巴摑埋去，摑到啪啪聲，小編睇見都覺得痛呀！

網民有話兒

Chax Wxxxan：打得好！！之前已經睇唔過眼！！系有報應的

Fxxg Sxe Ngxx：嘩～～！真系打落去，見到都覺得痛……

Rxxx Bxx：哈哈哈角色為佢度身訂做（造）？

Thxxxxx Yeuxx：反而冇人覺得這位「港女」衰～

Irxxx Mexxxxx：好貼地呀

呢一幕就講羅鈞滿想叫女朋友原諒佢，就去咗道歉。

最後佢劇入面慨女朋友忍唔住啦，開始連環掌摑羅鈞滿！

仲跪埋喺地下，真系冇曬男人應有慨尊嚴！

仲要啪啪聲，好多網民睇到呢度都話好心涼、大快人心！

畀人鬧叫佢即刻起身，佢都唔聽要繼續死纏爛打。

最後好彩有吳啟華出嚟解圍（左），如果唔系真系長打長有！

轉載請註明來源：今天頭條