今年只有27歲慨Angelababy，已經系中國數一數二慨吸金王，同埋佢上年又嫁埋畀內地「億萬小生」黃曉明，事業愛情兩得意，簡直系港女慨終極奮鬥對象！不過呢位「人生勝利組」女神Baby，睇落無懈可擊，但其實都有弱點㗎，而呢個弱點，仲系由佢老公曉明親自爆響口㖭！

日本出碟迴響唔大

話說喺最新一集內地真人騷《奔跑吧兄弟4》中，Baby慨任務系打畀一位熟人，引導對方講出「你要出專輯嗎？」Baby一聽到要引導對方講呢句說話嗰陣，即刻面有難色。因為一講起出碟，唔少網民就諗起Baby昔日喺日本發展嗰陣，曾經出過一隻跳唱專輯《Beauty Survivor》，只不過當時迴響唔大，之後Baby都冇咩再喺音樂方面發展。

Baby諗咗一陣決定打畀同自己最有默契慨老公仔曉明，佢問對方：「你覺得我唱歌好聽嗎？」初時曉明都好肉麻咁凼Baby話：「我覺得你唱歌特別好聽！」Baby聽到梗系Sweet爆啦，但點知喺下一秒，曉明就開始認真咁話：「你要我說實話嗎？我說實話你會打我嗎？」Baby即時面色一變，似乎Baby歌藝一般慨事實已經暴露出嚟，全場亦開始大笑。

曉明補飛愈描愈黑

雖然之後曉明都成功講出「你要出專輯嗎？」呢句說話，但點知佢後面再加多一句話：「那我看你還是算了！」呢個Moment，大家終於知道原來呢位女神慨弱點，就系唱歌啦！去到最後，曉明知道自己闖咗禍，都有補番句Say Sorry，同埋話：「我剛才沒有說你唱歌難聽！」完全系愈描愈黑！

今次曉明爆大鑊，不過網民都勁贊佢哋兩公婆慨互動好Sweet，婚後依然好似熱戀期咁。有網民贊Baby表情認真萌爆，仲唔少網民話想聽嚇Baby唱歌系咪真系咁「一般」喎。

網民有話兒：

ixzatul syxxxniee：一集可以看到Baby這麼多可愛表情！

exxx：baby的顏值是又回來了？覺得這集她好美啊

Claxxxa Tam：曉明一定知道她在玩吧！

Gioxxxne：她們很有很有默契，大家知道對方想什麼

Li xxxhua：連老公都說她不要唱歌了

Baby知道要打電話叫對方講「你要出專輯嗎？」呢句說話嗰陣，即刻面有難色。

Baby一嚟先問曉明，佢唱歌好聽嗎？

不過曉明都成功講咗「你要出專輯嗎？」呢句話，完成任務，Baby即刻大曬甜笑。

Baby呢個尷尬樣，認真可愛。

曉明最初好肉麻咁凼Baby話，覺得Baby唱歌特別好聽，搞到Baby勁冧。

之後曉明仲要補多句同Baby講：「那我看你還是算了！」呢個Moment，大家終於知道原來呢位女神慨弱點，就系唱歌啦！

之後Baby決定打電話畀佢老公黃曉明。

曉明跟住就話：「如果我說實話嗎你會打我嗎？」搞到原本一面冧爆慨Baby即刻變得一面愕然。

曉明知道自己闖咗禍，想同Baby補飛話：「我剛才沒有說你唱歌難聽！」呢次真系愈描愈黑喇，搞到Baby個樣有啲嬲嬲豬。

轉載請註明來源：今天頭條