今日鄧麗欣(Stephy)同周秀娜及樂基兒(Gaile)喺沙田出席電影《女士復仇》開鏡活動。Stephy話佢喺戲內有個好專一慨老公，但當中發現原來有小三、小四，有啲黑色幽默同輕鬆打鬥，佢話之前拍慨都系愛情片，亦有同Gaile合作，今次再次合作，系佢哋3個女仔之間鬥爭。問系咪扯頭髮之類?Stephy笑言:「扯頭髮唔夠有型，有打，唔系呢啲，自己戲入面系殺手。」女仔系咪好多是非?佢話:「自己冇諗到呢樣嘢，好期待，一齊拍攝，自己比較男仔頭。」佢哋今日又同周秀娜慶祝返噚日生日，又食壽包又吹蠟燭。問到Stephy前男友方力申最近喺一個訪問中表示仍未放得低兩人慨感情，Stephy話:「我噚日都有睇到，朋友講我知，剛喺峇里返嚟，都唔再想講我哋之間慨事，希望呢段時間大家丟淡下，專注返我慨工作。」講到小方對佢仍然有感覺，問到Stephy對佢系咪仲有感覺?Stephy話:「我其實自己睇到之後都噏噏地。」講講下隻眼又紅曬眼濕濕忍唔住喊，佢助手即搵紙巾俾佢抹眼淚。問到系咪儘量唔聯絡小方?Stephy表示:「其實唔系好適合再去講，又唔系好好可以去表達到。」心愿系復合?Stephy話:「我冇諗。」講到小方就話冷靜期期間想到結婚呢樣嘢，Stephy話:「講得好啱，唔繫結唔結，系溝通同timing慨問題，分開之前同之後，我哋喺傳媒面前講先會講呢樣嘢，私底下好少會講到呢樣嘢，希望將來慢慢去處理。」好似小方講咁冇咗愛好難復合?Stephy重複:「timing同溝通好重要，愛分好多層次，唔止愛情，仲有家人。」

(攝影:陳志嵐)

樂基兒

訪問時再講到舊愛小方，Stephy忍唔住再喊

轉載請註明來源：今天頭條