藝人杜德偉現年54歲，2012年先同太太李曉冰（Ice）結婚慨佢，今日喺社交網上載同老婆攬攬合照，更驚喜宣布做老竇：「人生的確是充滿神奇和驚喜，我一直都以為我這一輩子只會愛我老婆一個，但現在看來我要一心二用了！#我是杜爸爸#

見到Ice個肚仔，真系戥二人開心！

細心留意，比杜德偉年輕24年慨Ice，雖然著曬全黑連身裙，不過明顯已經見曬肚，仲有少少發福，唔知腹中塊肉系仔定女呢？

歌手杜德偉於社交網攬實老婆宣布做爸爸，杜德偉接受《東網》電話訪問時，更宣布一索得男的喜訊，透露太太預產期是10月，他在電話中笑不停：「BB系香港製造，其實三年前結婚後，我哋冇諗過生BB，因為覺得世界好亂、經濟又唔好，所以只想過二人世界，但系好多朋友，包括傳媒都叫我哋生BB，所以喺去年年中開始試嚇，但一直都冇好消息，太太買咗好多驗孕棒，但次次都系冇，嗰時我就知原來我哋系期望生BB慨，所以我哋請教家庭醫生，佢教我哋用排卵期慨方法去試，後尾太太用咗十幾支驗孕棒去Check，支支都話佢有咗，我哋再睇醫生，證實真系有咗BB，真系好開心。」談及一索得男好厲害？他也哈哈：「都估唔到我咁勁，咁叻仔，系仔嚟㗎，真系光宗耀祖。」

瞞埋外父外母

杜德偉又說雖然思想西化，但知道懷孕未夠三個月不可外泄，故連外父、外母都會隱瞞，他說：「啱啱知有咗BB時，唔可以講出嚟，但我同太太同長輩講咗會去韓國，但如果突然唔去就穿煲，所以我哋照去，之後再去多轉馬爾地夫，我想太太生BB前，可以輕鬆嚇。」

杜德偉老婆ICE預產期喺十月。

ICE大住肚期間，兩人仲去咗兩次旅行。

杜德偉話BB正宗Made in hk。

文章來源: https://www.twgreatdaily.com/cat125/node1088402

轉載請註明來源：今天頭條