《僵》中阿刑(鄭嘉穎)呢幾晚變返做普通人，但為應付一鳴(林偉)挑戰，繼續練功希望可以博偷雞！昨晚終於同一鳴展開激戰，偷雞唔成仲被打至重傷！雖然期間女友夢南(謝安琪)幫手，但都只有捱打，幸好兄弟應天(關禮傑)擋住，不過都被一鳴殺死！為報兄弟被殺之仇，阿刑因怒火激發體內潛能，成功做返不死人，仲要系超級嗰只，最後砌低一鳴！咦喂，呢幕令人聯想到卡通《龍珠》中，因好友無閒被菲利殺死，孫悟空又系因憤怒而變身做超級撒亞人喎！

阿刑單刀赴會

阿刑隻身跟一鳴對決，處於普通人狀態當然不敵啦，幾招被打到瞓低，而一鳴表示為令阿刑回復功力，居然想咬對方變做殭屍，咁可以打得痛快啲！

呢個時候，夢南殺到，但都系被打到瞓低！

危急關頭，天趕到，更表示兄弟有難一定幫手，而阿刑心知天非一鳴對手，叫佢離開！天當然唔會咁冇義氣，決心跟一鳴戰鬥到底！

二人旗鼓相當，一鳴使出絕招，一刀劈落天頸部，天即流血不止！

續下頁…

如欲率先接收資訊，請贊好我們的FB專頁並於「已贊好」選單設定「搶先看」，多謝支持。

延伸閱讀：

準備爛尾？《僵》突現膠爆情節 《僵》結局率先睇

穎兒見天被殺 心如刀割

天雖然系不死人，但劇中設定不死人都會死，因為佢哋都系人及只系長生不老，如果被擊中要害如頸或斬首，心臟都會因此而停頓後死亡！所以，天為兄弟甘願犧牲性命，真系好偉大呀！不過，剛同天發展慨穎兒(劉佩玥)，見天被殺跌落街呢幕，悲痛欲絕！

天臨別前跟兒說：「今年冬天陪唔到你返東北食酸菜白肉…」嗚嗚嗚，睇見都好想喊…

兒望上天台，見殺天兇手系一鳴，義憤填胸！

續下頁…

阿刑變身超級不死人

親眼睇住好兄弟被殺，阿刑怒火中燒喪失理智大叫，更因此激發體內潛能，加上早前得夢南輸殭屍血入體內，功力大增變身做超級不死人，發光紅眼珠好似噴火咁，然後飛去搵一鳴報仇雪恨！

形勢大逆轉，變身做超級不死人慨阿刑，完全處於上風，幾招就打到一鳴倒地噴血，最後一鳴甘拜下風！

不過，阿刑最後冇殺一鳴，因為上次一鳴俾機會佢去救人，所以留佢一命，但阿刑話唔會有下次！好英呀！

續下頁…

神秘人送血救一鳴

阿刑跟兒一齊埋葬天，兒淚崩！阿刑更憶起以前跟天一齊做錦衣衛時說慨一番話，指要死就死於戰場，最後阿刑以酒送別兄弟，場面動人！

一鳴重傷大難不死，但要瞓街度日，某晚被一班流氓侮辱，一鳴負傷擊退！突然有神秘人送上一樽血，一鳴感激說多謝。

之後神秘人不斷送血接濟，一鳴慢慢復原。

續下頁…

兒殺鳴成功報仇

某晚，鳴再遇神秘人，上前問如何報答救命之恩，神秘人即一刀插落鳴心臟，原來正系兒！兒咬牙切齒說：「你死就系最好報答！」點解原本好好打慨鳴完全冇還手之力？是咁的，原來兒先服下天慨藥廠研製慨藥，當藥力滲入血內，就將自己血送俾一鳴飲，藉此令佢功力大減而成功復仇！

續下頁…

兒跟天及傑重逢

兒自知命不久矣，往天墓地希望可以跟對方永遠在一起！期間兒已神志不清口吐鮮血，臨終前見番一個女孩，原來對方系好多年前被佢販賣人口時慨姐姐，兒心感內疚痛哭！最後兒重遇應天父子，安然離世。

圖片：myTV截圖

如欲率先接收資訊，請贊好我們的FB專頁並於「已贊好」選單設定「搶先看」，多謝支持。

轉載請註明來源：今天頭條