可能係演技嚟啫。

藝人伍詠薇（伍姑娘）為有線節目《伍姑娘真識食》錄影，首次正式任主持的她，邀請好友袁詠儀（靚靚）、周雪芳同黃佩霞做嘉賓，而節目其中有一part係要 攻打四方城，四人喺錄影前先嚟個熱身賽，而整個過程有線的工作人員都有拍下，仲放埋上網畀大家觀賞。正所謂「你的樣子如何，你的日子也必如何」，如果套落 呢度就係「你的牌品如何，你的人品也必如何」，落場冇父子，好姊妹就更加唔使講，當中袁詠儀露出佢巴渣一面，唔知係佢演技太好，定抑或呢個先係真實嘅佢 呢？

靚靚話：「洗牌先我費事你哋打龍通。」

伍姑娘疊牌時手忙腳亂。

騰雞樣

仲留低兩棟

伍姑娘手忙腳亂

片段一開首靚靚率先話：「洗牌先我費事你哋打龍通。」佢指住伍姑娘說：「快啲疊牌唔好咁多廢話。」而 此時靚靚已經極速排好啲牌，但就未疊上去，因為唔知打廣東牌定台灣牌，最後靚靚就「大家姐」上身，好唔耐煩咁話：「廣東！廣東！快啲呀！」未知伍姑娘是否 被靚靚的氣勢所震懾，即刻顯得手忙腳亂，留低兩棟牌未砌都唔知。

黃佩霞連碰兩次

靚靚翹手問：「畀隻嚟上嚇得唔得呀！」

靚靚出手拍伍姑娘

四人終於開牌，明顯唔多熟手嘅伍姑娘竟 然越過上家摸牌，靚靚即刻出手拍落伍姑娘隻手度說：「未到你，你話吖，呢條友喺度搗亂。」而靚靚又呻自己鋪牌好差：「死畀你睇，呢鋪牌真係。」及後終於到 伍姑娘摸牌，佢周圍向人求救，靚靚大聲話：「冇得問人㗎！」隔籬工作人員正想幫伍姑娘時，靚靚即刻話：「你唔好多事！總之邊個提水我搵麻雀掟佢！」

黃佩霞食糊，周雪芳（左一）拍曬手。

黃佩霞發圍

正 當靚靚勁躁底時，一路冇乜點出聲嘅黃佩霞就開始發圍，連碰兩次，靚靚唔抵得大叫：「豈有此理！」而黃佩霞就得戚咁揈頭，跟住再碰靚靚牌。成場齋坐嘅靚靚開 始發爛渣翹手向伍姑娘講：「畀隻嚟上嚇得唔得呀！」伍姑娘答話：「唔好理佢！」工作人員又再次教路，靚靚再度叫工作人員快啲走開。

伍姑娘問黃佩霞：「WHY YOU EAT ME？」

黃佩霞伸脷回應。

伍姑娘心急叫糊變出銃

跟 住黃佩霞突然講：「就食喇！」伍姑娘說：「你唔好話，分分鐘我贏咗㗎！」此時戰況非常緊張，黃佩霞同伍姑娘都等住叫糊，伍姑娘可能心急想食糊變出銃，最終 由黃佩霞食出，伍姑娘就話：「WHY YOU EAT ME？」黃佩霞即刻伸脷扮鬼臉，而同檯周雪芳全程冇出過聲，唔知以為呢個係三人麻雀。不過相信靚靚都係玩嚇啫，絕對唔會影響大家感情嘅。

轉載請註明來源：今天頭條