無線熱播劇集《僵》已經播到第25集，播出以來掀起唔少熱話，反應相當好！除咗題材吸引之外，亮點系雲集咗唔少BB同女神，觀眾對於劇中女藝人慨角色同造型亦有唔少意見，好似之前無線喺Facebook舉行咗個《僵》最Like人氣女神選舉，入選女神包括賴慰玲、陳嘉寶、陳凱琳、劉佩玥、阮兒同陳瀅，到目前仍然由陳嘉寶飾演武功好兼射箭精準慨何月領先，而身為宅男女神慨陳瀅雖然以二千幾票包尾，但系大家唔使擔心，佢只不過近兩集先出場，而且初出場唔夠15分鐘，已經獲得大批網民讚賞！

仙氣殭屍

秒速吸血

千呼萬喚、期待已久嘅畫面出現喇！劇中陳瀅BB飾演酷爆女殭屍「阮冰」，以一身全黑、露腰嘅型格造型出場，講述與一個「世紀賤男」迎面擦過，就已經秒速咬咗對方，而且冇人發現，仲要食到啜曬手指，又勁揪又誘人！加上網民對於陳瀅BB呢個造型，個個都話好有新鮮感，大讚型到爆，仲話畀佢吸血係三生有幸

轉載請註明來源：今天頭條