谷到面紅

細細粒收到《老表，你好 Hea！》監製黃偉聲的減肥令後，每日 keep住喺屋企旁邊空地練跑一小時，過程雖然辛苦，但佢全程落足力跑，面都紅曬，冇 hea㗎！

真面目 美圖瘦瘦 喪跑戒零食 細細粒甩脂 20磅

靠肥夠可愛入屋的細細粒（陳嘉佳），諗住肥得受歡迎可以免甩脂噩運，但新劇監製卻怕她跟阿 Bob合演情侶會令觀眾食滯，竟下令要細細粒修身減肥。

據知經過近一個月的地獄燒脂，幾經辛苦先搣去 20磅肥膏。上周六（ 19日），本刊直擊細細粒喺大埔屋企跑步直落跳埋鄭多燕。做運動辛苦，冇得食先大件事，細細粒話：「減得好辛苦，又冇啖好食，真系諗起都想死！」

經過連日的跑步和節食行動，細細粒體重終於由 240磅高峰迴落到 220磅，細細粒知道後仲即刻上載上網，同網友開心 share！

人人都知細細粒好鍾意食嘢，漢堡包、薯條更系每日必備的食物，不過自減肥後，再冇呢支歌仔唱

《蘋果日報》圖片

12年的細細粒體重高達 240磅，在福祿壽的演唱會上更系將贅肉顯露無遺，相差 20磅就已經有好強烈的對比。

其他影片：>>跑到斷氣

跑步加上鄭多燕，一般人都未必可以支持到，不過細細粒都照跳足半個鐘先停，少啲恆心都頂唔順。

細細粒聯同阮兆祥同蝦頭（蝦頭），將擔任鄭多燕下月萬人熱辣 show的嘉賓，早前仲未開始實行跑步減肥計劃的細細粒，在未做過任何運動下，喺記招上跟住跳鄭多燕，表情和動作顯得額外吃力。

iPad學師

細細粒跑完一個小時步後，真系氣都未唞順就急急腳入屋，攞部 iPad出來練跳鄭多燕，完全冇偷懶㗎！

唔想迫爆個 mon

細細粒全靠《老表，你好嘢！》一劇成功入屋，最近仲擔任一間日式餐廳的代言人，不過對住咁多美食，細細粒睇怕都系得個「望」字！網上圖片

上周六（ 19日），本刊直擊細細粒喺大埔新居密密操兵減肥。當日身穿黑色衫的她，在屋企隔籬空地跑步操練，在接近 30度的高溫下，細細粒跑完一小時已經想叫救命。之後短暫休息 15分鐘後，細細粒又再繼續跳鄭多燕舞步，谷到面都紅曬，睇得出佢相當努力。

細細粒現時除咗要應付新劇《老表，你好 Hea！》外，下月仲擔任鄭多燕 show的表演嘉賓，到時會跟鄭多燕大跳減肥舞步，細細粒希望到時可以應付。

周一（ 21日），本刊致電細細粒問到有關減肥一事，她說：「因為嚟緊會開《老表》，今次同 Bob做情侶，之不過我哋兩個咁大份慨人夾埋一齊，到時實會迫爆個 mon，所以監製都同我講，希望我可以減嚇肥，等個畫面鬆動啲，視覺效果都靚啲！

轉載請註明來源：今天頭條