無線依家可以話系裡外受敵，外面就有ViuTV強勢追住佢嚟打，而佢的內部就不斷有花旦小生離巢潮，搞到而家經常要起用一班演技幼嫩慨新人，就好似陳凱琳、蔡思貝等，拍到邊就俾人鬧到邊。相信好多觀眾都好希望可以見返一班有戲之人演出，如果有得揀各位又最想見返邊個呢？

蔡少芬

曾經系無線「四大花旦」之一慨蔡少芬拍親慨劇集套套都系重頭戲，極得無線重用，而家無線午間劇場仲播緊佢同黃子華主演慨《棟篤神探》。後來去左大陸發展參與《後宮甄嬛傳》拍攝，跟手紅埋。事業如日中天之外，佢感情方面亦十分順利，自從嫁左俾張晉之後就過住幸福少奶奶慨生活，到而家都仲會系網上曬恩愛，真系羨煞旁人。

張可頤

公認慨好戲之人，到而家47歲都仲fit爆，出返嚟積極拍劇都唔系話冇可能。尤其是前排仲有新聞話佢投資失利共虧蝕達7位數字，應該都好等錢使。不過佢就話已經唔想再拍劇，想嘗試做監製或者編劇。不過佢之前離開無線去左幫香港電視拍《來生不做香港人》，睇個勢佢都應該唔會返到去架啦！

宣萱

被譽為「90年代至21世紀無線五大當家花旦之一」慨宣萱相信大家都唔會陌生。唔知大家岩岩睇完《尋秦記》重播有冇少少掛住佢呢？早前，無線助理總經理杜之克公開表示將會邀請舊將回巢，當中仲特別點名宣萱。有傳媒詢問佢無線系咪已經聯絡佢商談合約，宣萱就大賣關子：「等confirm左再講。」睇嚟可能好快見到佢喎？！

鄧萃雯

連續兩年獲得視後慨鄧萃雯自從拍《金枝欲孽貳》同無線不歡而散之後，佢就去左內地發展。近年喺內地人氣急升慨佢近排系微博好感性咁表示佢好感謝亞視畀機會佢，帶俾佢好多第一次，成為佢繼續向前慨動力。但系就冇提過無線，睇嚟仲未嬲完喎，返去機會好渺茫。

陳妙瑛

已經淡出娛樂圈多年慨陳妙瑛近年轉戰美容界、搞飲食業，聽講身價已經過億。咁點解要返無線呢？咪就系無理由蘿！

關詠荷

當年喺無線穩坐一姐位置慨佢曾經拍過《陀槍師姐》、《烈火雄心》、《金裝四大才子》等等慨經典劇集，你冇可能會冇睇過。但系佢就竟然同左當時籍籍無名慨張家輝一齊，捱左咁多年，一直系背後默默支持老公慨佢終於守得雲開見月明，終於等到老公做影帝。而依家慨佢寧願專心相夫教子，陪住女兒成長，慢慢淡出幕前。

黎姿

雖然黎姿做戲未必系最好睇嗰個，不過講樣佢一定贏曬。佢深受觀眾喜愛，喺2009年嫁左俾富商馬廷強，而家已經完全退出娛樂圈，專心湊仔。有傳話佢老公鍾意低調，連當時結婚都吩咐黎姿要低調，咁睇嚟就算佢想返出嚟拍劇，老公都未必肯。

郭藹明

港姐出身慨郭藹明嫁左俾劉青雲之後都好少出來拍劇，通常只會出席下活動。不過亦唔系無曬希望慨，之前佢就話有追開無線節目，有戲癮發作，亦有同無線傾合作。不過佢話而家最主要都系要睇劇本同角色。不過就算有想拍慨劇集都要遷就老公時間，因為其中一個開工，另一個就要主力照顧屋企，果然系好偉大！

你最想見到邊位回巢拍劇呢？

轉載請註明來源：今天頭條