黃子恆孖人妻林夏薇街頭咀得激

無線藝員林夏薇與黃子恆在將軍澳電視城為劇集《乘勝狙擊》拍攝咀戲，劇情講述黃子恆用水泡餅代替戒指求婚。林夏薇應承後，兩人即相擁錫錫，前後咀了兩次便完成拍攝，認真快手。

爆老公日日求婚

問到林夏薇拍攝求婚戲，可有想起老公求婚的場面？她Sweet爆說：「結婚前佢每日都同我求婚，問我可唔可以嫁畀佢，結婚之後瞓醒都仲有問我可唔可以嫁畀佢。（老公系咪日日送鑽戒求婚？）冇，同老公相處最舒服系佢夠簡單，求婚有鑽戒慨，詳細唔講喇。（老公批准拍咀戲？）做嘢唔使交代，之後同陳展鵬仲有更激全祼戲，講我哋系老千，要除衫證明冇偷嘢。本來老公都唔知有呢場戲，有日老公見我試打底衫先發現，話我太瘦，提我打底衫要貼身。」

林夏薇與黃子恆於劇中更有激情床戲，劇情講述林夏薇利用黃子恆激陳展鵬，兩人卻於酒後亂性。問到黃子恆與人妻拍攝咀戲可有壓力？他說：「如果對手冇避忌會放心啲，對方抗拒仲驚。」

好彩兩人只系拍劇啫！