TVB新劇《僵》宜家熱播緊，雖然故事同造型一直俾觀眾指左抄右抄，但當中仍有好多問題大家未必知！啊伯就同大家講下，等大家一睇就明，唔使晚晚追劇咁辛苦！

問題1：刑活著點變不死人？

刑活著(鄭嘉穎)本身系明朝錦衣衛，喺一次殺捕殭屍任務過程中，俾超大雷電擊中，意外成為不死人，自此以獵殺殭屍為己任。

問題2：點解刑活著同龐應天反目？

龐應天(關禮傑)同刑活著同為不死人，翻到香港之後二人本身諗住重拾兄弟情，但龐應天對付殭屍同做研究手法實在殘忍，搞到刑活著反感，後嚟更因此而反目！

問題3：凌風俾刑活著擊敗，但點解唔會死？

身為殭屍慨凌風(陳山聰)同不死人刑活著斗足五百年，最終殭屍不敵不死人，凌風幾乎俾刑活著消滅，但命懸一線慨時候，竟然俾隱形富豪龐應天帶走，原來系用嚟做白老鼠試新藥！

問題4：點解藍夢瑤要變殭屍？藍夢瑤(陳凱琳)之後鍾意咗刑活著，更主動展開熱烈追求，又認為同不死人之間慨唯一障礙就系生命慨長短，因此忽然渴望自己變成殭屍！

問題5：藍夢瑤同刑活著系前世夫妻？

有指藍夢瑤同刑活著的確有宿世姻緣，而刑活著變成不死人，經歷五百年浪跡天涯、走遍世界各地之後，終於可以同藍夢瑤隔世重逢！而系現實中，兩個人更加打得火熱，鄭嘉穎聽曬陳凱琳慨話，要佢改信主都制，夠曬聽話！

問題6：藍夢瑤點解唔識講嘢？

藍夢瑤生於一個幸福平凡家庭，直到十歲果年，親眼目睹父母俾殭屍咬死，生活即時陷入一片黑暗。受雙親離世打擊、殭屍帶來慨恐懼，令佢選擇封閉自己，患上失語症。後來藍夢瑤喺刑活著慨悉心照顧下，慢慢衝破內心陰影，開始講番嘢！

問題7：俾殭屍咬完唔會變殭屍？

通常大家認為俾殭屍咬過或吸血後，都會變殭屍，而劇中有一幕殭屍凌風咬完女仔之後，果個女仔最後死咗無變成殭屍！點解呢？系咁慨，劇中設定如果要變殭屍，一定要得到殭屍輸血入體內，如果唔系俾吸干後得翻死路一條！

問題8：藍黃紫紅點解要藍夢南忘記自己系殭屍？

藍黃紫紅(羅蘭)後生果陣做醫生，遇到好似野獸咁、到處吸人血慨殭屍藍夢南。只系藍黃紫紅並唔驚藍夢南，仲主動伸出同情之手，俾佢一個溫暖慨家，令藍夢南學識點樣去融入人類生活。藍黃紫紅個女同女婿俾殭屍殺死，其孫女藍夢瑤(陳凱琳)因此患上失語症。家逢巨變，藍夢南堅持照顧在側，但藍黃紫紅好驚夢南慨殭屍身份，只會令藍夢瑤陰影加重。所以，藍黃紫紅不惜千里迢迢追尋傳說中「漂泊慨荷蘭人」，攞到神奇泉水，助藍夢南變成一個失憶慨普通人，等三婆孫一直可以過住安穩生活。

問題9：凌風點解要追蹤藍夢南？

五百年來，凌風一直追尋自己過去，直至現代，佢感應到一種特別慨feel，直覺話俾佢聽，只要搵到呢個人就可以揭開謎團，逐漸佢發現，原來自己一直搵慨，正系藍夢南！原來藍夢南系殭屍始祖，會自發變成殭屍，因此凌風想從藍夢南身上了解自己更多秘密！

問題10：藍夢南點解識「一指靈」？

本身系法醫慨藍夢南擁有「一指靈」特技，可以令屍體甦醒一分鐘，再同佢對話，憑此屢破奇案。至於點解佢有此特技，因為系與生俱來。

轉載請註明來源：今天頭條