周永恆上ViuTV《晚吹》爆粗離場 facebook稱被「明踩暗串」網民批「無品」

周永恆（Roy）在ViuTV昨晚播出的節目《晚吹——總有一隻係左近》擔任嘉賓，討論有關「賤格」的議題，其間疑不滿被主持陳淑蘭（蘭子）和陳莉敏（QQ）針對，於節目中途「爆粗」離場，成為網絡熱話。

周永恆今日在facebook直指自己「中伏」，被主持「明踩暗串」，不過，有網民則批評周永恆「無品」，留言寫道：「佢都唔知自己講乜，淨係識得發爛（難），睇得出個人勁冇品」。

ViuTV發言人回應記者查詢時表示，截至今日，暫時並未收到有關《晚吹》的投訴。

對於節目的粗口問題，發言人回應：「我們有專責審批的部門，每個自製或是外購的節目都會根據通訊事務管理局的指引而審批，再按不同時段播放，有需要時亦會於節目播放前作適當的提示。」

周永恆於今日早上11時在facebook留言，透露ViuTV請他上節目是「探討人性黑暗面」，

他寫道：「錄影當日去到化妝間見到蘭子小姐，大家有講有笑的，我問佢要唔要對下稿，因為其實製作部有mark稿的，點知QQ小姐又遲到，終於大家毫無準備下入廠。

入到去，PA都有紙派稿的，點知roll機時兩位大姐上曬身，明踩暗串非常有teamwork，我中伏中得多，心諗主持人、嘉賓唔跟稿，製作部點都會控制下，其實PA姐姐都經已有用『大字報』提佢地。

我見佢地原（完）全無反應，中間叫停了機，直接問監製，何為探討人性黑暗面？我又問，點解主題改成這樣？原來是（溝通問題）。

語言偽力不下689。是就是，不是就不是。伏已中，街已出。錯已成，責已當。唔好屈我為錢同人夾穚（橋），唔該。」

事件在網絡成為熱話，有網民指周永恆「無品」、「周永恆真係又蠢又EQ低」等，

但亦有網民力撐周永恆，認為是主持挑釁：「兩個女主持都好似有心挑釁佢，尤其蘭子」、「蘭子啲說話全部單單打打，口講俾周永恆平反但又句句窒住曬」。

轉載請註明來源：今天頭條