謝安琪《殭》演技被指太造作咁邊個演藍夢南好？又嚟"馬小玲"???

無綫重頭劇《殭》喺今個星期一首播，劇集遠赴荷蘭實景拍攝，

演員方面仲搵咗鄭嘉穎、陳凱琳同埋首次拍電視劇嘅「高登女神」謝安琪（Kay），超越時空殭屍故事題材加上靚人靚景，

未出前已經令到觀眾好期待，可惜睇完幾集之後，唔少網民都喺討論區彈爆呢套劇，

除咗假到爆嘅電腦特技之外，唔少人都認為Kay嘅演技太造作、頂唔順佢差唔多40歲仲要嘟嘴扮可愛及個妝太厚等等，

其實都有人讚佢演得可愛、好搞笑。咁如果唔係「高登女神」Kay演嘅話，

咁邊個演呢位29歲女法醫藍夢南好呀？

李佳芯

一向深受網民愛戴嘅李佳芯（Ali），近期獲無綫力捧密密拍劇，之前所參演嘅電視劇都被激讚Ali有樣有演技，相信飾演殭屍對於佢嚟講應該無難度。

譚凱琪

譚凱琪（Zoie）憑啱啱播完嘅《EU超時任務》飾演水晶梨而成功彈出，如果飾演藍夢南嘅話，應該幾令人期待。

陳法拉

自從13年離開無綫後，好耐冇喺電視見到佢，好多人都好掛住佢呀！

周麗淇

被視為收視福將嘅周麗淇（Niki），可能可以挽救《殭》第一集平均只係得24點收視喎？！

黃智雯

黃智雯07年參選港姐入行，sell演技多過sell樣，不過點解近期好似好少見到佢咁嘅？

胡定欣

上屆視後胡定欣嘅演技應該冇人會質疑，佢咁多年嚟演過唔同嘅角色，不過殭屍就未演過喎。

萬綺雯

98年喺亞視神劇《我和殭屍有個約會》中飾演殭屍女獵人馬小玲一角大受歡迎，如果佢唔做殭屍獵人，做殭屍嘅話，大家又like唔like呢？

如果以上咁多位演員都唔啱嘅話，咁大家又覺得邊位適合呢？

轉載請註明來源：今天頭條