陳敏之同三哥係咪有合作呀？好期待呀！

索腿靚媽陳敏之向來活躍於社交網，不時同網友開心share佢嘅生活點滴，繼日前佢喺網上直播素顏散步，呢日佢又再次出動喇！佢就喺網上上載咗多張之前去曼谷拍攝時嘅花絮相，仲話：「咁靚嘅景吾（唔）係吾（唔）影呀嘛！咁靚仔嘅3哥（苗僑偉）吾（唔）係吾（唔）影呀嘛！#人在曼谷拍攝時 #卓sir好耐冇見 #Yan來回（會）合卓sir」

睇相就見到敏之同苗僑偉chok曬咁行路，簡直型到爆呀！另外嘅相，則見到企喺路軌上面嘅敏之仲擺出唔同嘅甫士，大曬佢白滑嘅長腿，難怪大批網友都大讚敏之簡直係索爆，有網友就話阿Yan回歸會合卓sir，唔通嚟緊嘅無綫劇《使徒行者2》會有敏之出現，大家都話好期待呀！

陳敏之去咗泰國曼谷拍攝。

呢個POSE幾型喎。

陳敏之大曬招牌長腿。

三嫂戚美珍（右）都有同行。

三哥行步路都好CHOK。

似乎好似真係有合作喎。

轉載請註明來源：今天頭條