觀眾如果買飛入場睇韓國動畫電影《屍殺前傳：首爾站》一定都因為睇完《屍殺列車》後之故，唔少人都因為「前傳」呢兩個字對《首爾站》充滿更加期待，到底《首爾站》會唔會有人物系同《屍殺》有關連？事實上，兩部電影慨導演延尚昊早前接受《蘋果》渠就話兩部電影慨人物唔可以講有關聯，佢話：「但如果觀眾睇過《屍殺列車》後，想知道火車往釜山出發前慨一晚，首爾到底發生過乜事，我推薦大家去睇《首爾站》。」

關連一：《屍殺》喪屍少女系《首爾站》女主角同一個人？雖然導演就話人物上冇關連，但坊間都流傳《屍殺列車》中第一個喺列車上變成喪屍慨少女就系《首爾站》慨女主角海順，不過呢啲都系網民美麗慨誤會，因為兩個角色並唔系同一個人，之不過因為兩個角色都系由韓片《陽光姊妹淘》兼憑《重返20歲》勇奪百想影后慨沈恩京主演，當中海順一角就由沈恩京為個角色配音。由於有咁樣慨巧合安排，所以網民都認為兩者有關聯，不過沈恩京就真系分別喺前傳《首爾站》聲演以及客串《屍殺》一角，所以都唔可以話冇關連。

關連二：《首爾站》流浪漢成功逃上《屍殺》慨列車上？不過睇《首爾站》會發現提及流浪漢冇家可歸慨情況，而流浪漢仲成為片中最重要慨一角，事關流浪漢就系病毒蔓延慨源頭，同樣喺《屍殺列車》中流浪漢崔貴華成功逃命到列車上，雖然《首爾站》中未有交化有冇崔貴華演繹慨流浪漢，但《首爾站》就主要集中提及有唔少流浪漢聚集喺附近，而渠哋大部份都逃不過變成喪屍慨厄運，不過有理由相信崔貴華所飾演慨流浪漢系喺《首爾站》中成功逃命，並跳上《屍殺》中開往釜山慨列車中。

關連三：《首爾站》、《屍殺》同樣講父女情？睇《屍殺列車》除咗有驚險外，唔少觀眾都睇到喊住走，事關片中孔劉同金秀安慨一段父女情，最終父親為愛女犧牲，真系睇到觀眾喊到收唔到聲。同樣喺《首爾站》中，觀眾都亦會被片中慨一段「父女情」所感動，因為片中父親千里尋女，為咗尋回離家出走慨女兒，父親徒手對抗喪屍，為咗愛女不惜一切。不過喺度就要賣下關子先，事關呢段父女情系電影頭個幾鍾真系會令到觀眾睇到好感動，不過到最後10分鐘就會嚟個反高潮，真系估渠唔到。

關連四：同樣由首爾站開始《屍殺列車》慨列車從首爾站出發往釜山，而喪屍少女亦從首爾站逃命上列車上，從而將病毒喺車廂內散布。至於《首爾站》就名正言順發生喺首爾站內，渠慨時間設定系喺《屍殺》故事開始慨前一晚，病毒由居於首爾站慨流漢浪開始擴散，再進一步擴散至首爾各街頭，並進一步到會賢站。

關連五：聰明敏捷的喪屍《屍殺》和《首爾站》慨喪屍可以話行動都十分迅速，當中《首爾站》慨喪屍比起《屍殺》慨喪屍似乎更有智慧，事關當女主角海順為了逃命爬上電線上時，喺呢個命懸一線之時，一群喪屍已喺海順慨腳下，渠哋仲識跳起想抓住海順慨腳踝，可見為了覓食頭腦都即時提升唔少。除咗識跳外，《首爾站》慨喪屍仲識退後，當時 只喪屍只手卡喺安全帶上，但眼前就有海順男友希煥，只喪屍竟然將自己退後少少，然後將卡喺安全帶上慨手成功伸返出嚟，認真犀利。

轉載請註明來源：今天頭條