我識左女神兩年多啲, 2個月前知道自己鍾意佢..

就開始追佢...日日wtsapp搵佢..

得閒送下手袋,三眼仔史迪仔公仔俾佢...

番工又成日借啲意去佢間公司到吹水, 又得閒同佢一齊食lunch (我地公司只係隔一棟樓) ,,

佢一開始對我都幾冷淡..但可能俾我既誠意打動左..

而家都同我傾左好多野..屋企事都有傾...不過就好少傾感情事...

直到前幾日佢問我得唔得閒... 我緊係狗衝啦...

原來係佢個best fd生日..咁我gel埋頭 ,著到最靚仔咁去啦...女神見到我都嘩左聲..即刻橋住我隻手..

行過去果時佢話佢ex會黎..雖然佢無講出口..

但我諗佢係想帶我去示下威..咁我更加要打定十二分精神...

落到酒吧同班fd say hello果時就見到佢ex ..

仲有佢女朋友都黎埋... 係靚仔靚女既組合...但女神好似無咩反應..

自我介紹完之後好自然就猜下枚..飲下酒...

飲到咁上下食蛋糕...唱生日歌俾個best fd ..之後開始自己玩自己...

佢ex無啦啦叫我一齊掟標..咁我係女神面前緊係無得say no啦...

呢次係我咁大個仔第三次掟...大家可以想像到我係輸得幾慘...

我唔忿氣...就同佢猜枚...點知又輸...玩大話骰...又輸...

.最後係我記憶中...我好似同佢拗手瓜....

我唔知輸定贏...因為我已經斷左片...唔記得之後點...一醒已經係屋企到..

一行出房阿媽係咁鬧我訓係屋企門口做咩.

我即刻wtsapp女神..

唔洗諗都知琴晚7到爆..呢幾日佢覆得越黎越冷淡..

lunch都話帶左飯....仲追唔追佢好?....

係咪已經玩完?...

轉載請註明來源：今天頭條