Blizzard旗下雄霸月費式網遊MMORPG《魔獸世界》，5月先啱啱宣布2015年首季付費會員由上季1,000萬降至710萬人，隨即就喺剛啱慨Gamescom 2015遊戲展上，發表最新第6部資料片《魔獸世界：軍臨天下》（World of Warcraft：Legion）。以開放人氣角色「伊利丹」英雄職業「惡魔獵人」、玩家知名神兵「灰燼使者」等熱門元素為賣點，出盡力水催谷各路英雄回巢。

終於打到薩格拉斯

即使已有卡片型網遊《爐石戰記》、線上團戰遊戲《暴雪英霸》同埋射擊系新作《斗陣特攻》撐場，對廠方嚟講《魔獸世界》先系旗下作品慨重中之重。繼早前資料片相繼推出熊貓人同埋《魔獸爭霸》2代獸人英雄故事之後，今次終於都將大BOSS燃燒軍團同埋首領「薩格拉斯」推上舞台。於同期發布慨首段預告片中，更暗示咗早喺第2片資料片《燃燒的遠征》中殞落慨人氣角色「伊利丹」可能再次復活。而佢慨身份惡魔獵人，則成為玩家繼死亡騎士之後，第二個可選慨英雄職業，等眾玩家可以親自體會化身丹爺、蒙眼雙刀斬殺敵人慨暢快感覺。

新職業裝備競爭大

從官方改版資料透露，惡魔獵人作為主力賣點慨英雄職業，除咗初始等級比其他職業更高外，職業天賦亦更簡潔，只分為承受傷害慨坦克天賦「復仇」，以及充當近戰輸出的慨「災虐」天賦。其他特點有背部雙翼可從高處滑翔降落、擁有連續跳躍力慨高機動性、招牌惡魔化身能力強化各天賦特色、估計PVP更會易捕捉潛行賊及德魯伊慨「靈視」能力等。種族方面則只容許夜精靈（聯盟）及血精靈（部落）選擇。爭議方面，惡魔獵人是全遊戲中裝備競爭最大慨皮甲系職業，武器亦幾乎和所有近戰角色有所衝突，相信受排擠程度較當日死騎有過之而無不及。

每個人都可有神兵

型格閃亮的神兵利器亦是玩「山口山」的追逐重點，今次暴雪在資料片首推人人有神器功能，按玩家角色職業賦予專屬橙武（傳奇武器），再以提升天賦方式自訂特殊能力及外觀。已發布神兵包括最知名的聖劍「灰燼使者」、部落首領索爾的「末日之錘」及女妖之王希瓦娜斯家傳寶弓「薩斯朵拉」等，只要有心（爆肝），人人都可以手持神兵（但應該要做N多個每日任務和副本）。其他新遊戲要素尚有幾分模擬遊戲味道，要架設據點、培育手下NPC英雄執行任務的「職業大廳」，最高等級提升至110級，及全新地圖「破碎群島」等。至於劇情方面……嚇，乜連穿越橋都玩埋？暴雪，乜仲有人同佢認真嫁咩（唔該唔好玩死女王大人）？

◆ 終於都到要加入「惡魔獵人」呢一步。

◆ 坦/DD雙天賦皮甲近戰，除裝備類別外更接近最初暴雪對死騎「技巧坦」的定位。

◆ 連巫妖王佩劍都斬得斷？「灰燼使者」可以人人有得用，仲有Custom Made版添。

◆ 新地圖「破碎群島」，又要跑任殺怪執屍體（自己果條）。

◆ 遊戲截圖，今次建物有唔少高等精靈時代奇幻歐系風格，相當悅目。

◆ Trailer同遊戲介紹都暗示丹爺（伊利丹）可能被翻生。

資料來源：《魔獸世界：軍臨天下》官網

http://tw.battle.net/wow/zh/legion/#home

轉載請註明來源：今天頭條