【進擊的Pokemon GO】 更新後主角學識巨人化？
今朝香港收到《Pokemon GO》更新，訓練員可以揀一隻小精靈做Buddy，陪住你四圍捉寵順便行路儲糖，比卡超行夠10km仲會企上你膊頭，跟足原著設定喎。不過新版本似乎有另類彩蛋bug，將訓練員全部變曬調查兵團，喺地圖上與巨人同行。 大量日本訓練員於Twitter曬出截圖，左下角Buddy Pokemon圖像嘅位置無法正常顯示，而角色側跟就出現咗巨人腳，同樣情況亦於Customize版面發生，部份人笑稱呢次肯定係《Pokemon GO》同《進擊的巨人》神秘推出嘅合作活動。筆者好好彩冇事，但台灣方面都有類似嘅報告，而且更進一級出現「聖光」，以訓練員角色為中心點畫出一個光圈。
轉載請註明來源：今天頭條