你由幾時開始覺得自己系一個完整嘅男人？系第一次拖女朋友手仔嘅時候？第一次…咩嘅時候？定系第一次有人嗌你做「爸爸」嘅時候？換言之要做個完美男人，首先你要有條女！但好多男人系生活各方面都只做四份一，然後溝唔到女又喺度怨！所以你就要時刻完善自己，以防不時之女！以下呢四大禁忌，應該就系能夠幫到你成為一個完美男人！記住學哂全部呀！你都唔會溝四份一條女呀？唔通凈系溝佢只左脾咁咩？
第一條：昅女只系四份一，「望聞問切」唔少得
望者，「昅」也。呢部份大家每日都練習所以唔講啦，但往後果三步你又知唔知系咩？「聞」者，注意也。變態佬同男神嘅最大分別，就系你昅條女嘅同時，條女有冇昅返你！要避免成為變態佬，你就要喺外表、行為上展現你嘅魅力，然後進入下一步，「問」！大家互通姓名，問下啲基本問題(去你度？定去我阿媽度？)，進一步了解對方，擇個良辰吉日「切」佢中路！出返嚟！再入多次！如是者出出入入若干次之後先算完成哂成個求偶階段。咁你話一世人都停喺「望」呢個階段、凈系求四份一偶又點算系真男人呢？
第二條：今時今日齋剪髮，系唔夠架
想女仔回望你，個髮型當然就唔可以Hea。但好多男人以為久唔久去剪次發就算系打理咗，但蔡瀾先生曾經寫過，男人剪髮嘅最高境界，就系剪完人哋都覺得你冇剪。簡單啲，就即系個髮型系要長期保持喺最佳狀態。而要達到呢個效果，剪髮只系第一步！你仲要確保自己有頭髮；然後，我哋之前都講過染髮嘅重要；再者，TVB有專家亦都示範過Gel頭嘅威力系可以令毒男變成日本架仔…所以剪髮只系搞掂咗成個頭嘅四份一，數量、顏色、造型都好重要架！
第三條：全「面」打理 眼耳口鼻要做足
OK，搞掂咗個頭，就系時候搞下塊面啦。嗱你塊面上有「眼耳口鼻」四樣嘢。你就以為刷下牙，剃下須就當打理咗？其實只系搞掂咗「口」呢四份一！「眼耳鼻」你都冇搞過！例如其實你堂眉已經跨越眉心連成一線，就系時候修修佢；只耳污糟到會令甜言蜜語都變粗言蔑語，亦麻煩你撩撩佢。而且最重要系啲鼻毛呀！叉哂出嚟隨風飄蕩，系就系充滿生命力，但樣衰呢大哥！你唔剪都塞返入去呀！做個完美男人就唔好凈系顧住個「口」呢四份一，仲要打理埋「眼耳鼻」呢四份三呀！
第四條：就是開不了口讓她知道…
講開個口，你都唔好以為一早一晚刷下牙就算清潔咗－－何況有人連一早一晚刷牙都做唔足？你諗下個口咁大，啲牙其實只系占咗其中1/4到，另外果3/4其實你掂都冇掂過－－即系一間屋，你日日抹個門口就當自己打掃咗，而其實啲細菌就系另外果四份三到滋生，然後你就會有口氣，到你發現嘅時候就已經「開不了口」……系呢個時候，你需要嘅就系隨時帶定香口膠、漱口水呢啲嘢，殺菌除口氣－－唔好睇少呢個問題呀！有研究顯示口氣乃係男女第一次約會中最易被扣分嘅部份，一個唔該你就「呵」走咗一段大好姻緣架啦！
金句王
微信號：jinjuking