宇宙巨G.E.M.翻唱〈有心人〉懷念哥哥。(網上圖片)
最近宇宙巨漿鄧紫棋(G.E.M.)以一襲「東莞大媽featuring大紙尿片」舞台look X出國際，不禁令人懷念那些年初出道嘅金魚嘴妹妹，外表清純可愛，無添加聲音更是一絕。
做乜啫你......(網上圖片)
想點啫你......(網上圖片)
咁咪幾好。(網上圖片)
阿漿近年喺強國撈到風生水起，除咗「啡唇」走強國路線，就連音樂作品都迎合大陸市場，頻頻推出國語歌曲。去年返到香港主場開騷，亦被嘲廣東話講到歪曬；天后韓紅更表明唔知阿漿係香港人。
前日巨漿突然一改常態，喺個人youtube channel上載自彈自唱版本〈有心人〉，以紀念一代巨星張國榮逝世13年，唔少網友聽完大叫感動：
「聽到你唱廣東話歌，我激動到喊出嚟！」
「太耐冇聽你講廣東話同唱廣東話歌啦！」
「粵語終於回歸啦～」
「一聽你開口唱粵語歌～～真係超級感動驚喜～」
「好耐無聽你唱粵語啦。」
「好多人批評G.E.M.只識嗌歌，其實G.E.M.唱唔同嘅歌，有唔同嘅演譯方法。」
一眾巴絲大叫感動。(網上圖片)
幾耐冇聽佢唱廣東歌?(網上圖片)
無錯，G.E.M. 演譯〈有心人〉時回歸初心，成首歌冇X叫冇亂飆高音，反而搏得巴絲好評。其實阿G.E.M.上一次推出廣東作已經係年幾之前，當時佢翻唱Beyond〈喜歡你〉，反應都算唔錯。要等國際天后再唱廣東歌，又要等到幾時？