相信大家都知羅仲謙同楊怡噶婚訊
今日佢地兩個婚後返港
系機場被媒體圍堵
一對新人大方任影show鑽戒
真系羨煞旁人
對於盛傳楊怡有咗餡
佢就否認話自己唔急！
系媒體訪問期間
謙謙將【我太太】掛系嘴邊
仲應要求錫楊怡額頭
夠曬sweet
好啦循例要先梳理下成件事俾大家
☟
皆因前兩日
有港媒發現佢地系
英國肯特郡利茲普城堡（Leeds Castle）註冊結婚
楊怡披上低V婚紗
羅仲謙則系一身白馬王子西裝
仲系英國古堡影咗婚紗相
呢個地方睇來都唔系隨便揀噶
羅仲謙曾經系12年發微博話過
【希望以後可以系英國古堡拍婚紗照】
佢都算夢想成真啦！
真系恭喜曬！
有個網友就總結得好精闢
以為會分噶結果就婚咗
以為會婚噶結果就分咗
（分咗噶☞你估到我寫小方Stephy，但系你估唔到我寫呢啲！！）
其實大家一開始唔睇好佢地
都唔系無原因
畢竟大家都知羅仲謙基本上拍一部戲
就會傳一次緋聞
而且最重要系羅仲謙噶家暴史
同楊怡一齊之前
佢家暴前女友傅穎噶新聞搞到滿城風雨
傅穎接受採訪噶時候亮出身上青紫傷痕
最終搞到一拍兩散
自從呢件事之後
羅仲謙就擺脫唔到【家暴男】噶標籤
所以當一年之後
佢同楊怡一齊
可以想像到當時圍觀群眾有幾震撼
佢地兩個戀情被曝光噶時候都好狗血
被港媒拍到兩人同車
當時兩人姿勢如下
港媒仲話楊怡嘴邊有異物↓
所以系媒體描述中就變成咗一場【車震門】
被人寫成咁
梗系第一時間出來澄清啦
總之一直以來
外界成日都寫話羅配唔起楊怡
男方經常被媒體形容為【食軟飯】【渣男】
又話楊怡系【倒貼】
兩人2012年拍《On Call 36小時》撻著
唔理外人講咩都好
佢地兩個人開心最重要
而且已經結埋婚了
可樂君除咗祝福仲系祝福！
anyway
隨著TVB花旦一個個離巢或出嫁
今次楊怡搞掂婚姻大事之後
都隱約透露今年可能會同TVB解約
以前風風光光噶五花旦時代即將終結
鍾嘉欣 胡杏兒 楊怡 陳法拉 徐子珊
大家都知上個月
鍾嘉欣就帶住餡嫁咗俾大十歲噶Jeremy
（何解明星都愛靜靜雞結婚？！鍾嘉欣原來已經結婚好耐......）
粗身大細噶佢
睇來都要有一段休息時間
胡杏兒就嫁咗俾金融才俊
（胡杏兒婚禮全程終極整理，一切的一切都在這裡！！！）
不過結婚之前
杏兒噶事業就經已轉戰內地
而陳法拉噶私生活更精彩
同薛世恆秘婚七年
離婚之後離開TVB北上發展
而系TVB撲心撲命咗11年噶徐子珊
舊年就已經離開咗TVB
有傳系因為公司唔俾獎佢所以心灰意冷
二來公司熱捧新晉小花令佢覺得受到威脅
宜家D新人越來越多
難怪佢地會覺得有威脅感
畢竟呢個社會都系長江後浪推前浪噶啦
無論佢地以後點發展
我地都系送上祝福啦！
我哋係廣州至潮至IN叱吒校園超過十年嘅《可樂生活》，上至50歲下至5年級的廣州人必備讀物！
官方微信：可樂生活color(colorcolor818)良心打造專屬華南地區的吃喝玩樂指南，潮流風向標資訊。
官方唯一商務合作QQ：1902182069