鄧麗欣（Stephy）與方力申早前透過經理人公司發表「分手」聲明，宣告兩人十年情畫上句號，消息震驚全城。小方之前談到與Stephy分手一事時，說到傷心之處，忍不住落下男兒淚，令全城動容，而期間，女主角Stephy雖然一直身處外地療傷，但傳聞依然滿天飛，其中最驚爆的，是與同性密友鄧衍敏（小牛）的緋聞。
神情憔悴
今午鄧麗欣終由外地返抵香港，在機場接受半百傳媒追訪，而現場除了鄧麗欣公司工作人員等待接機，更有四名保安護駕，認真誇張。鄧麗欣約於五時十分步出閘口，原本戴超的她，除下黑超讓記者拍照，雖然明顯有化過妝，但神情憔悴零笑容。期間有記者問鄧麗欣有沒有喊時，她未有反應，並繼續企定定讓記者拍照。
強顏歡笑
眼紅紅。
心情明顯不是太好的鄧麗欣，一身黑衣出現，雖然記者系咁沖前，但鄧麗欣都未有太大反應，並數度低頭，似若有所思。在擾攘期間，鄧麗欣偶爾擠出苦笑，但仍耐心等候記者準備，不過就現場觀察，鄧麗欣等候期間一直眼紅紅，但仍有提醒記者有麥克風出現KICK住情況。
多次避談小牛
「首先辛苦大家，亦多謝關心，辛苦大家今日嚟到接機，咁，ER，其實喺發表聲明之前幾日，我已經離開咗香港，因為希望可以有時間，可以帶媽咪去旅行，亦因為呢件事發生，我希望搵個地方消化嚇，同清醒嚇，所以聲明前同媽咪去咗旅行。去咗幾日，媽咪先返嚟，我再去咗台灣，除咗放假，我都有私人事，有啲私人嘢要處理。喺呢段時間，都收到好多朋友短訊問候，大家關心，亦都喺呢段期間，其實頭幾日，報道出嚟我唔系好夠膽睇，想冷靜嚇先再睇，後尾有睇曬，亦有睇粉絲留言，知道大家都好擔心，朋友訊息我未必一可以一一回復，我想冷靜。（嚟到呢度即嗚咽，要停咗十秒）（同小牛咩關係？）回應唔系咁易，決定得好快，要分開，同公布，同要回應，我未有時間消化，所以離開咗十幾日，想自己冷靜同好好面對大家。喺公司聲明、自己文章、或小方之前出嚟見大家，都講得好清楚，知大家好關心分開原因，希望大家明白感情系兩個人慨事，咁多年，三言兩語好難解釋分開原因，希望大家體諒，大家可能覺得我哋系童話，因為除咗我哋本身，可能會加插好多故事，或者合作慨嘢，其實喺真實感情，我哋同一般情侶一樣要面對好多問題，當問題累積，好難解釋同解決。（小牛最難解決？）我有睇報道，其實今次離開香港去台灣，我要處理，其中一樣就系排球事，大家影到只系我身邊普通女性朋友，大家用正常角度去睇，件事就唔會咁複雜。（怕畀人話同性戀？）我完全冇諗，佢系我其中一位女性朋友，大家唔好再揣測太多，除咗會傷害我哋兩個，亦傷害我身邊朋友，我最唔想發生，因為感情兩個人慨事，我哋好需要時間、空間消化處理，太多周邊事出現，會令到件事更複雜。（冇機會同小牛發展）再講，佢只系好好朋友，嚟緊排球好多嘢需要佢指導，我哋亦師亦友。」
現年32歲的小牛是台灣專業排球手，2010年曾代表中華台北參加亞運，退役後任教職，主力擔任排球教練。去年9月Stephy率領旗下排球隊「Loey」到台灣與當地女子排球隊打友誼賽，因而認識了小牛，而12月時，Stephy再次飛到台灣，專程為小牛帶領的中堃飛鷹女子排球隊打氣。之後小牛為Stephy的球隊擔任客席教練，二人關係要好，有報道指去年10月，她們更偕Stephy舊隊友兼好姊妹楊愛瑾（Miki）及歐文詩（Angela）到日本旅行，雖然未確定小牛是否Stephy與小方分手的導火線，但至少肯定二人感情非淺。